ସମ୍ବଲପୁର ଗସ୍ତରେ 5T ସଚିବ
admin
8717
ସମ୍ବଲପୁର : ସମ୍ବଲପୁର ଗସ୍ତରେ 5T ସଚିବ । ସମ୍ବଲପୁରରେ ପହଞ୍ଚିବା ପରେ ପ୍ରଥମେ ସମଲେଶ୍ବରୀ ମନ୍ଦିର ଗସ୍ତ କରି ମା ସମଲେଇଙ୍କୁ ଦର୍ଶନ କରିଥିଲେ । ସେଠାରେ ସମଲେଇ ପ୍ରକଳ୍ପର ସୌନ୍ଦର୍ୟ୍ୟକରଣ କାର୍ୟ୍ୟରେ ସମୀକ୍ଷା କରିଛନ୍ତି । ତେବେ ଏହି ଗସ୍ତ ସମୟରେ ସମ୍ବଲପୁର ସହରର ହଜାର ହଜାର ଲୋକେ ୫ଟି ସଚିବଙ୍କୁ ସ୍ବାଗତ ଜଣାଇବା ସହ ନିଜ ନିଜର ଦାବି ଉପସ୍ଥାପନ କରିଥିଲେ ।
ଦାବି ଶୁଣିବା ପରେ ସେମାନଙ୍କର ସମସ୍ୟାର ସମାଧାନ ନେଇ ପ୍ରତିଶୃତି ମଧ୍ୟ ଦେଇଥିଲେ । ପରେ ସମଲେଇ ପ୍ରକଳ୍ପ ବୁଲି ଦେଖିଥିଲେ । ଠିକା ସଂସ୍ଥା ତଥା ଅଧିକାରୀଙ୍କ ସହ ଆଲୋଚନା କରିଥିଲେ । ସମୀକ୍ଷା କରିବା ପରେ ସମୟ ସୀମା ମଧ୍ୟରେ କାର୍ୟ୍ୟ ଶେଷ କରିବାକୁ ନିର୍ଦ୍ଦେଶ ଦେଇଥିଲେ । ମନ୍ଦିରର ସୌନ୍ଦର୍ୟ୍ୟକରଣ ସହ ପଥର କାରୁକାର୍ୟ୍ୟ ଉପରେ ଅଧିକ ଗୁରୁତ୍ବ ଦେବାକୁ ଠିକା ସଂସ୍ଥାକୁ ଦେଲେ ନିର୍ଦ୍ଦେଶ । ଏହି ଅବସରରେ ସହର ଭିତରେ ଥିବା ରାଜଘାଟ ଶ୍ମସାନକୁ ମଣ୍ଡଳିଆ ନିକଟକୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦେଇଛନ୍ତି ।
