ଅନୁଗୁଳ: ପୁଅର ଟାଙ୍ଗିଆ ଚୋଟରେ ବାପର ମୃତ୍ୟୁ ହୋଇଛି । ଅନୁଗୁଳ ଜିଲ୍ଲା ଜରପଡା ଥାନା ଇଲାକା କଞ୍ଜରା ଗ୍ରାମରେ ଏହି ହତ୍ୟାକାଣ୍ଡ ଘଟିଛି । ମୃତକ କଞ୍ଜରା ରାଜବୁରୀ ବାରିକ ସାହିର ନିଳାମ୍ବର ବାରିକ (୪୫)ବୋଲି ଜଣାପଡିଛି । ସୂଚନା ଅନୁସାରେ, ବୁଧବାର ସଂଧ୍ୟାରେ ନିଳାମ୍ବର ବାରିକ ଓ ତାଙ୍କ ସ୍ତ୍ରୀ ମାମି ବାରିକଙ୍କ ମଧ୍ୟରେ ପାରିବାରିକ ଘଟଣାକୁ ନେଇ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ନିଳାମ୍ବର ତାଙ୍କ ସ୍ତ୍ରୀକୁ ମାଡପିଟ କରିବା ସହିତ ଏକ ଟାଙ୍ଗିଆରେ ମାଡ ମାରିଥିଲେ । ଏହାକୁ ନେଇ ନିଳାମ୍ବରଙ୍କ ସାନପୁଅ ସିପୁନ ବାରିକ ଖବର ପାଇ ଘରକୁ ଆସିଥିଲେ । ଏହି ସମୟରେ ନିଳାମ୍ବର ଏକ ଟାଙ୍ଗିଆରେ ତାଙ୍କ ମାକୁ ମାଡମାରୁଥିବା ଦେଖି ଟାଙ୍ଗିଆକୁ ଛଡାଇ ଆଣି ବାପାକୁ ଆକ୍ରମଣ କରିଥିଲା ସେ । ଫଳରେ ଟାଙ୍ଗିଆ ଚୋଟ ବାଜି ବାପା ନିଳାମ୍ବର ଘଟଣାସ୍ଥଳରେ ଟଳିପଡିଥିଲେ ।
admin
