ପଦ୍ମଶ୍ରୀ କମଳା ପୂଜାରୀ ଅସୁସ୍ଥ

Sep 6, 2019 - 05:37 Updated: Sep 6, 2019 - 05:37

4501

ଜୟପୁର : ପଦ୍ମଶ୍ରୀ କମଳା ପୂଜାରୀ ଏବେ ଅସୁସ୍ଥ । ଗତ କିଛି ଦିନ ହେଲା ପାଗ ଖରାପ ରହିବା ଫଳରେ ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡି ଯାଇଛି । ତେବେ ସେ ହସ୍ପିଟାଲରେ ଭର୍ତ୍ତି ହୋଇନଥିବା ଜଣାପଡ଼ିଛି । ପରିବାର ଲୋକଙ୍କ କହିବା ଅନୁଯାୟୀ କିଛି ଦିନ ତଳେ ଭୁବନେଶ୍ୱରଠାରେ ଆୟୋଜିତ ଏକ ସମ୍ବର୍ଦ୍ଧନା କାର୍ଯ୍ୟକ୍ରମରେ ଯୋଗ ଦେଇ ଘରକୁ ଫେରିଥିଲେ । ଏହା ପରଠାରୁ ପଦ୍ମଶ୍ରୀ କମଳା ପୂଜାରୀ ଅସୁସ୍ଥ ହୋଇପଡ଼ିଛନ୍ତି । କିନ୍ତୁ ପରିବାର କି ପ୍ରଶାସନ ପକ୍ଷରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇନଥିବା ଜଣାପଡ଼ିଛି । କିଛି ମାସ ତଳେ ସେ ଅସୁସ୍ଥ ହୋଇପଡ଼ିଥିବାରୁ ଜିଲ୍ଲା ପ୍ରଶାସନ ତୁରନ୍ତ ତାଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ । ପ୍ରକାଶ ଥାଉ କି, ଲୁପ୍ତପ୍ରାୟ ଧାନ ବିହନକୁ ସଂରକ୍ଷିତ କରି ରଖିବା ତଥା ଦେଶୀ ପ୍ରଣାଳୀରେ ଚାଷ କରିବା ପାଇଁ କେନ୍ଦ୍ର ସରକାର କମଳାଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରିଥିଲେ ।