ଘରେ ଅକ୍ୱାରିୟମ ରଖିଛନ୍ତିକି? ଧ୍ୟନ ରଖନ୍ତୁ ଏହି କଥା
admin
ଭୁବନେଶ୍ୱର: ଘରେ ଆକ୍ୱାରିୟମ୍ ରଖିଲେ କେବଳ ଘରର ସୌନ୍ଦର୍ଯ୍ୟ ବଢିଥାଏ ତାହା ନୁହେଁ; ଏହାଦ୍ୱାରା ଐଶ୍ୱର୍ଯ୍ୟ ମଧ୍ୟ ବୃଦ୍ଧି ହୋଇଥାଏ ବୋଲି ବାସ୍ତୁଶାସ୍ତ୍ରରେ ଉଲ୍ଲେଖ ରହିଛି। ତେବେ ବାସ୍ତୁଶାସ୍ତ୍ର ଅନୁଯାୟୀ, ଘରେ ଆକ୍ୱାରିୟମ୍ ରଖିବାକୁ ନେଇ କ’ଣ ସବୁ ନିୟମ ରହିଛି ଜାଣନ୍ତୁ ସେ ସମ୍ପର୍କରେ…
- ବାସ୍ତୁଶାସ୍ତ୍ର ଅନୁଯାୟୀ, ଡ୍ରଇଂ ରୁମ୍ର ଦକ୍ଷିଣ-ପୂର୍ବ ଦିଗରେ ଆକ୍ୱାରିୟମ୍ ରଖିବା ଶୁଭ। ଏହାଦ୍ୱାରା ଆର୍ଥିକ ଅଭିବୃଦ୍ଧି ହୋଇଥାଏ ବୋଲି ବିଶ୍ୱାସ ରହିଛି।
- ଆକ୍ୱାରିୟମ୍କୁ କେବେ ବି ଡ୍ରଇଂ ରୁମ୍ର ମଝିରେ ରଖିବେ ନାହିଁ। ଏହାଦ୍ୱାରା ଅର୍ଥ ବଢିବା ପରିବର୍ତ୍ତେ ଖର୍ଚ୍ଚ ଅଧିକ ହୋଇଥାଏ।
- ଆକ୍ୱାରିୟମ୍କୁ ବେଡ୍ରୁମ୍ରେ ରଖିବା ବି ଠିକ୍ ନୁହେଁ। ଏହାଦ୍ୱାରା ଦୁଃସ୍ବପ୍ନ ଆସିଥାଏ ବୋଲି ବିଶ୍ୱାସ ରହିଛି।
- ଆକ୍ୱାରିୟମ୍ରେ ସର୍ବଦା ୯ଟି ମାଛ ରଖିବା ଶୁଭ ହୋଇଥାଏ। ଆଉ ସେହି ୯ଟି ମାଛ ମଧ୍ୟରୁ ୮ଟି ଗୋଲ୍ଡ ଫିଶ୍ ଓ ଗୋଟିଏ କଳା ମାଛ ରହିବା ଅତି ଉତ୍ତମ।
- ଗୋଲ୍ଡ ଫିଶ୍କୁ ଧନର ପ୍ରତୀକ ବୋଲି କୁହାଯାଏ। ଅନ୍ୟପକ୍ଷେ କଳାମାଛ ସୁରକ୍ଷାର ପ୍ରତୀକ ଭାବେ ଘରକୁ ପ୍ରବେଶ କରୁଥିବା ନକରାତ୍ମକ ଉର୍ଜ୍ଜାକୁ ନିଜ ଉପରକୁ ନେଇ ଘରେ ସକାରତ୍ମକ ପ୍ରଭାବ ବଢାଇବାକୁ ଚେଷ୍ଟା କରିଥାଏ।
- ଯଦି କେବେ ଆକ୍ୱାରିୟମ୍ରେ କଳାମାଛଟିକୁ ହଠାତ୍ ମରିଥିବାର ଦେଖନ୍ତି, ତା’ହେଲେ ଘର ମଧ୍ୟକୁ କିଛି ଖରାପ ଶକ୍ତି ପ୍ରବେଶ କରିଛି ବୋଲି ଜାଣିବେ।
- ସଙ୍ଗେସଙ୍ଗେ ଆଉ ଗୋଟିଏ ଜିଅନ୍ତା କଳାମାଛ ଆଣି ଆକ୍ୱାରିୟମ୍ରେ ରଖିଦେବେ ଏବଂ ମୃତ ମାଛଟିକୁ ଏଣେତେଣେ ନ ଫୋପାଡି ଚଳନ୍ତା ପାଣିରେ ଭସାଇଦେବେ ନଚେତ୍ ମାଟିଖୋଳି ପୋତିଦେବେ।
- ଯଦି ଗୋଲ୍ଡ ଫିଶ୍ ବି ମରିଯାଏ, ତା’ହେଲେ ପୁଣି ନୂଆ ଗୋଲ୍ଡ ଫିଶ୍ ଆଣି ରଖିଦେବେ।
