ସୁନା ବ୍ୟବସାୟୀଙ୍କୁ ହୋଇଥିବା ଲୁଟ ଘଟଣାରେ 4 ଜଣ ଅଭିଯୁକ୍ତଙ୍କୁ ଗିରଫ
ANGIKAR NEWS
ଗଣେଷ ଘାଟ ଅଂଚଳରେ ଗତ ୨୦ ତାରିଖରେ ସୁନା ବ୍ୟବସାୟୀଙ୍କୁ ହୋଇଥିବା ଲୁଟ ଘଟଣାରେ 4 ଜଣ ଅଭିଯୁକ୍ତଙ୍କୁ ଗିରଫ କରିଛି ଲାଲବାଗ ଥାନା ପୋଲିସ। ଲୁଟର ଶିକାର ହୋଇଥିବା ଯାଜପୁର ଅଞ୍ଚଳର ସୁନା ବ୍ୟବସାୟୀ ଜଣକ ଲାଲବାଗ ଥାନାରେ ଦେଇଥିବା ଏତଲା ଆଧାରରେ ପୋଲିସ ତଦନ୍ତ କରି ଅଭିଯୁକ୍ତଙ୍କୁ ଗିରଫ କରିଛି। ଗତ ଅଗଷ୍ଟ ୨୦ ତାରିଖରେ ବ୍ୟବସାୟୀ ଜଣକ ରାତି ୮ଟା ସମୟରେ ବ୍ୟାଗରେ ସୁନା ନେଇ ଯିବା ବେଳେ ୨ ଅଭିଯୁକ୍ତ ଏକ ପଲସର ଗାଡିରେ ଆସି ବ୍ୟବସାୟୀଙ୍କ ଗୋଡକୁ ଏକ ଲୁହା ରଡରେ ଆଘାତ କରି ବ୍ୟାଗରେ ଥିବା ସୁନା ନେଇ ଫେରାର ହୋଇଯାଇଥିଲେ। ଗିରଫ ପରେ ପୋଲିସ ଅଭିଯୁକ୍ତଙ୍କ ନିକଟରୁ ଲୁଟ୍ ହୋଇଥିବା 60 ଗ୍ରାମ ସୁନା ଅଳଙ୍କାର, 9100 ନଗଦ ଟଙ୍କା ଓ ଲୁହା ରଡ଼କୁ ଜବତ କରିଛି। 4 ଜଣ ଅଭିଯୁକ୍ତଙ୍କ ମଧ୍ୟରୁ ଦୁଇ ଜଣ ଲୁଟେରା ହୋଇଥିବା ବେଳେ ଅନ୍ୟ ଦୁଇ ଜଣଙ୍କୁ ଚୋରି ସୁନା କିଣିବା ଅଭିଯୋଗରେ ଗିରଫ କରିଛି ପୋଲିସ। 4 ଜଣ ଅଭିଯୁକ୍ତଙ୍କ ମଧ୍ୟରୁ 3 ଜଣଙ୍କ ନାଁରେ ପୂର୍ଵରୁ ବିଭିନ୍ନ ଅପରାଧିକ ମାମଲା ଥିବା କଟକ ଅତିରିକ୍ତ ଡିସିପି କହିଛନ୍ତି।
