2 ଘଣ୍ଟା ଠିଆ ହୋଇ ରହିଥିଲା, ତାପରେ ହଠାତ୍ ନିଆଁ ଲାଗିଗଲା
Arpit Pattnaik
4275
ରାସ୍ତା ଉପରେ ଠିଆ ଠିଆ ଜଳିଗଲା ମୋ ବସ୍ । ଯାତ୍ରୀ ନାହାନ୍ତି, ଡ୍ରାଇଭାର୍ ନାହାନ୍ତି । କିନ୍ତୁ କାହିଁକି ବସ୍ ଜଳିଗଲା କେହି ଜାଣି ପାରିଲେ ନାହିଁ । କଟକ ଲିଙ୍କରୋଡ ମଧୁ ପାଟଣା ଥାନା ଛକ ଉପରେ ଶନିବାର ରାତି ପ୍ରାୟ 10ଟା ବେଳେ ଜଳି ଯାଇଛି ମୋ ବସ୍ । ବସଟି ଭୁବନେଶ୍ବରରୁ କଟକ ଆସୁଥିଲା । ତେବେ ଲିଙ୍କ ରୋଡ଼ରେ ବସଟି ରହିଥିବା ବେଳେ ହଠାଟ୍ କୌଣସି କାରଣ ପାଇଁ ବସରେ ନିଆଁ ଲାଗି ଯାଇଥିଲା । ତେବେ ବସରେ କୌଣସି ଯାତ୍ରୀ ନଥିଲେ । ଘଟଣାସ୍ଥଳରେ ଅଗ୍ନିଶମ ଟିମ୍ ନିଆକୁ ଆୟତ କରିଛି ହେଲେ ବସଟି ସମ୍ପୂର୍ଣ୍ଣ ଜାଳି ପୋଡି ଛାରଖାର ହୋଇଯାଇଛି ।
ସ୍ଥାନୀୟ ଲୋକଙ୍କ ସୂଚନା ଅନୁସାରେ ସଂଧ୍ୟା ପ୍ରାୟ 7 ଟା ସମୟରେ ବସଟି ଲିଙ୍କ ରୋଡ଼ ପାର୍ଶ୍ଵରେ ପାଖାପାଖି 2 ଘଣ୍ଟା ଠିଆ ରହିଥିଲା । ଏଥିରେ କିଛି ଯାନ୍ତ୍ରିକ ତ୍ରୁଟି ଥିବା ଅନୁମାନ କରାଯାଉଥିଲା । ପରେ ବସରୁ ଧୂଆଁ ବାହାରିଥିଲା ଓ ହଠାତ ନିଆଁ ଲାଗିଯାଇଥିଲା। କେଉଁ କାରଣରୁ ନିଆଁ ଲାଗିଲା ତାହା ଜଣାପଡିନାହିଁ।
