ମହାରାଷ୍ଟ୍ରର ଗୃହମନ୍ତ୍ରୀ ପଦରୁ ଅନୀଲ ଦେଶମୁଖଙ୍କ ଇସ୍ତଫା
ମହାରାଷ୍ଟ୍ରର ଗୃହମନ୍ତ୍ରୀ ପଦରୁ ଅନୀଲ ଦେଶମୁଖଙ୍କ ଇସ୍ତଫା
admin
2896
ମହାରାଷ୍ଟ: ମହାରାଷ୍ଟ୍ରର ଗୃହମନ୍ତ୍ରୀ ପଦରୁ ଅନୀଲ ଦେଶମୁଖ ଇସ୍ତଫା ଦେଇଛନ୍ତି । ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଭେଟି ଶ୍ରୀ ଦେଶମୁଖ ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ତାଙ୍କ ବିରୋଧରେ ଆସିଥିବା ଅଭିଯୋଗ ସମ୍ପର୍କରେ ବମ୍ବେ ହାଇକୋର୍ଟ ସିବିଆଇ ତଦନ୍ତ ନିଦେ୍ର୍ଧଶ ଦେବା ପରେ ଅନୀଲ ଦେଶମୁଖ ଇସ୍ତଫା ଦେଇଛନ୍ତି । ମୁମ୍ବାଇର ପୂର୍ବତନ ପୋଲିସ କମିଶନର ପରମବୀର ସିଂଙ୍କ ଅଭିଯୋଗର ଶୁଣାଣି କରି ବମ୍ବେ ହାଇକୋର୍ଟ ସୋମବାର ଦିନ ବଡ ନିଷ୍ପତ୍ତି ଶୁଣାଇଛନ୍ତି । କୋର୍ଟଙ୍କ ନିଷ୍ପତ୍ତି ମୁତାବକ ୧୦୦ କୋଟି ଟଙ୍କା ଆଦାୟ ମାମଲାର ଯାଂଚ ସିବିଆଇ କରିବ । ଯାଚିକା ଉପରେ ନିଷ୍ପତ୍ତି ଶୁଣାଇବା ବେଳେ କୋର୍ଟ କହିଛନ୍ତି କି, ଏହି ମାମଲାରେ ଏଫଆଇଆର ହୋଇଛି ଓ ପୋଲିସ ଦ୍ୱାରା ଯାଂଚ କରିବାକୁ ଅପିଲ କରାଯାଇଥିଲା । କୋର୍ଟ ଆହୁରି କହିଛନ୍ତି କି, ଅନୀଲ ଦେଶମୁଖ ରାଜ୍ୟର ଗୃହମନ୍ତ୍ରୀ ହୋଇଥିବାରୁ ଏହି ମାମଲାର ନିରପକ୍ଷ ଯାଂଚ ପାଇଁ ପୋଲିସ ଉପରେ ଭରଶା କରାଯାଇ ପାରିବ ନାହିଁ । ତେଣୁ ସିବିଆଇକୁ ଏହି ମାମଲାର ଯାଂଚ କରିବାକୁ ନିର୍ଦ୍ଦେଶ ଦିଆଗଲା ।
ବମ୍ବେ ହାଇକୋର୍ଟଙ୍କ ନିଷ୍ପତ୍ତି ମୁତାବକ ସିବିଆଇ ଏହି ମାମଲାର ପ୍ରାଥମିକ ଯାଂଚ କରିବା ଦରକାର । ଯାଂଚ ବେଳେ ସମସ୍ତ ପକ୍ଷ ସିବିଆଇକୁ ସହଯୋଗ କରିବେ । ୧୫ ଦିନ ମଧ୍ୟରେ ସିବିଆଇ ନିର୍ଦ୍ଦେଶକଙ୍କୁ ରିପୋର୍ଟ ପ୍ରଦାନ କରାଯିବ । ଏହି ରିପୋର୍ଟ ଆଧାରରେ ସିବିଆଇ ଯଦି ଅନୁଭବ କରିବ କି ଗୃହମନ୍ତ୍ରୀ ଅନୀଲ ଦେଶମୁଖଙ୍କ ବିରୋଧରେ ମାମଲା ରୁଜୁହେବା ଦରକାର ତେବେ ସିବିଆଇ ଏଫଆଇଆର ଲଂଚ କରିବ ।
ପ୍ରକାଶ ଯେ, ପୂର୍ବତନ ମୁମ୍ବାଇ ପୁଲିସ କମିଶନର ପରମବୀର ସିଂହ ମୁଖ୍ୟମନ୍ତ୍ରୀ ଶ୍ରୀ ଠାକରେଙ୍କୁ ମହାରାଷ୍ଟ୍ରର ଗୃହମନ୍ତ୍ରୀ ଅନୀଲ ଦେଶମୁଖଙ୍କ ବିରୋଧରେ ଚିଠି ଲେଖି ଗୁରୁତର ଅଭିଯୋଗ ଆଣିଥିଲେ । ମାସକୁ ୧୦୦କୋଟି ଆଦାୟ ପାଇଁ ଦେଶମୁଖ ନିଦେ୍ର୍ଧଶ ଦେଇଥିବା ପରମବୀର ସିଂହ ମୁଖ୍ୟମନ୍ତ୍ରୀ ଶ୍ରୀ ଠାକରେଙ୍କୁ ଚିଠି ଲେଖିଥିଲେ । ସଚିବ ଭାଜେଙ୍କୁ ଟଙ୍କା ଆଦାୟ ପାଇଁ ଦେଶମୁଖ କହିଥିବା ସେ ଚିଠି ଲେଖିଥିଲେ । ଏଭଳି ଅଭିଯୋ ଆସିବା ପରେ ଅନୀଲ ଦେଶମୁଖ ମନ୍ତ୍ରୀମଣ୍ଡରୁ ବିଦା ହୋଇପାରନ୍ତି ବୋଲି ଚର୍ଚ୍ଚା ଆରମ୍ଭ ହୋଇଯାଇଥିଲା ।
