ଖୁସି ଖବର, ହାଇ ଭୋଲ୍ଟେଜ ମ୍ୟାଚରେ ପାକିସ୍ତାନକୁ ହରାଇଲ।। ଭାରତ
ଖୁସି ଖବର, ହାଇ ଭୋଲ୍ଟେଜ ମ୍ୟାଚରେ ପାକିସ୍ତାନକୁ ହରାଇଲ।। ଭାରତ
admin
ଦୁବାଇ: T20 ବିଶ୍ୱକପ୍ର ବଦଲା ନେଲା ଭାରତ । ପାକିସ୍ତାନକୁ ଧୂଳି ଚଟାଇ ପୁଣି ନିଜ ନାଁରେ କଲା ରେକର୍ଡ । ପାକିସ୍ତାନ ବିପକ୍ଷରେ ଭାରତ ହାସଲ କଲା ଦମଦାର ବିଜୟ। ଗତକାଲି ଦୁବାଇରେ ଖେଳାଯାଇଥିବା ଏସିଆ କପ୍ ମ୍ୟାଚ୍ରେ ପାକିସ୍ତାନକୁ ମାତ୍ ଦେଇଛି ଟିମ୍ ଇଣ୍ଡିଆ । ଗତକାଲିର ମ୍ୟାଚ୍ ଆରମ୍ଭରୁ ଶେଷ ଯାଏ ରୋମାଞ୍ଚରେ ଭରପୁର ଥିଲା । ପରସ୍ଥିତି ଏପରି ହୋଇଥିଲା କି ଶେଷ ଓଭରରେ ମ୍ୟାଚ୍ର ଫଳାଫଳ ସାମ୍ନାକୁ ଆସିଥିଲା ।
ପ୍ରଥମେ ବ୍ୟାଟିଂ କରି ପାକିସ୍ତାନ ଟିମ୍ ଭାରତ ସମ୍ମୁଖରେ ୧୪୮ ରନ୍ରେ ଟାର୍ଗେଟ ରଖିଥିଲା । ଏହାର ପିଛା କରୁଥିବା ଟିମ୍ ଇଣ୍ଡିଆ ମାତ୍ର ଗୋଟିଏ ରନ୍ରେ ନିଜ ପ୍ରଥମ ୱିକେଟ ହରାଇଥିଲା । ଏହାପରେ କ୍ୟାପଟେନ୍ ରୋହିତ ଶର୍ମା ଓ ମୋଷ୍ଟ ଫେଭରେଟ୍ ବିରାଟ କୋହଲିଙ୍କ ଦମଦାର ପାର୍ଟନରସିପ୍ ଟିମ୍କୁ ଅଧା ଟାର୍ଗେଟ ଯାଏଁ ପହଞ୍ଚାଇଥିଲା । ତେବେ ଜାଡେଜା ଓ ସୂର୍ୟ୍ୟକୁମାରଙ୍କ ୱିକେଟ୍ ମ୍ୟାଚ୍ର ସସପେନ୍ସକୁ ଅଧିକ ବଢ଼ାଇଥିଲା ।
ଶେଷ ଓଭରରେ ହାର୍ଦ୍ଦିକ ପାଣ୍ଡ୍ୟାଙ୍କ ଛକା ମ୍ୟାଚ୍କୁ ଭାରତ ନାଁରେ କରିଛି । ହାର୍ଦ୍ଦିକ ମାତ୍ର ୧୭ ବଲ୍ରେ ୩୩ ରନ୍ର ଇନିଂସ୍ ଖେଳି ଟିମ୍କୁ ବିଜୟର ସ୍ୱାଦ ଚଖାଇଛନ୍ତି । ଗତକାଲିର ପ୍ରଦର୍ଶନ ପାଇଁ ହାର୍ଦ୍ଦିକ ପାଣ୍ଡ୍ୟାଙ୍କୁ ମ୍ୟାନ୍ ଅଫ୍ ଦ୍ ମ୍ୟାଚ୍ରେ ସମ୍ମାନିତ କରାଯାଇଛି। ଏହାକୁ ମିଶାଇଲେ ଭାରତ ଏସିଆ କପ୍ରେ ମୋଟ୍ ୯ଟି ମ୍ୟାଚ୍ରୁ ପାକିସ୍ତାନକୁ ୭ ଥର ମାତ୍ ଦେଇଛି।
