ଓଡ଼ିଶାରେ ବାର୍ଡ ଫ୍ଲୁ ର ଭୟ ନାହିଁ : ସ୍ପଷ୍ଟ କଲେ ସରକାର
ଓଡ଼ିଶାରେ ବାର୍ଡ ଫ୍ଲୁ ର ଭୟ ନାହିଁ : ସ୍ପଷ୍ଟ କଲେ ସରକାର
admin
3262
ଭୁବନେଶ୍ୱର: ଓଡ଼ିଶାରେ ବାର୍ଡ ଫ୍ଲୁ ର ଭୟ ନାହିଁ । ଏହି କଥା ସ୍ପଷ୍ଟ କରିଛି ମତ୍ସ୍ୟ ଓ ପ୍ରାଣୀ ସମ୍ପଦ ବିକାଶ ବିଭାଗ । ଜନସାଧାରଣ ଭୟଭୀତ ନ ହୋଇ କୁକୁଡ଼ା ମାଂସ ଓ ଅଣ୍ଡାକୁ ଭଲ ଭାବେ ସିଝାଇ ଖାଇବାକୁ ବିଭାଗ ପକ୍ଷରୁ ଅନୁରୋଧ କରାଯାଇଛି । ଏକ ପ୍ରେସ ବିବୃତି ଜାରି କରି ବିଭାଗ କହିଛି, ରାଜ୍ୟର ବିଭିନ୍ନ ଅଞ୍ଚଳରୁ ପକ୍ଷୀମାନଙ୍କ ରକ୍ତ, ଲାଳ, ନାଜାଲ ସ୍ୱାବ, କ୍ଲୋଆଜାଲ ସ୍ୱାବ ଓ ଖାଦ୍ୟର ନମୁନା ସଂଗ୍ରହ କରାଯାଇ ପରୀକ୍ଷା କରାଯାଇଛି । ରାଜ୍ୟସ୍ତରରେ ପ୍ରାଣୀରୋଗ ପରୀକ୍ଷାଗାରରେ ନମୁନା ପରୀକ୍ଷଣକୁ କଡ଼ାକଡ଼ି କରିବାକୁ ନିଦେ୍ର୍ଧଶ ଦିଆଯାଇଛି । ସେହିପରି ଜିଲ୍ଲାସ୍ତରରେ ପ୍ରାଣୀ ବିଭାଗ ନିରୂପଣ ପରୀକ୍ଷାଗାରଗୁଡ଼ିକ ମଧ୍ୟ ପରୀକ୍ଷଣ କରାଯାଇପାରିବ । କୋଲକତା ଠାରେ ଥିବା ଆଞ୍ଚଳିକ ପ୍ରାଣୀରୋଗ ନିରୂପଣ ପରୀକ୍ଷାଗାରକୁ ମଧ୍ୟ ନମୁନା ପ୍ରେରଣ କରାଯାଇଛି । ଏହି ବହିରାଗତ ପକ୍ଷୀ ଋତୁରେ ଏ ପର୍ଯ୍ୟନ୍ତ ୧୨ ହଜାର ୧୫୮ଟି ନମୁନା ପରୀକ୍ଷା ସମ୍ପୂର୍ଣ୍ଣ ହୋଇଥିଲେ ବି କୌଣସିଟିରେ ଏହି ରୋଗ ପ୍ରକାଶ ପାଇନାହିଁ । ସରକାର ଏହି ପରିସ୍ଥିତି ଉପରେ ତୀକ୍ଷଣ ନଜର ରଖିଛନ୍ତି । ଯେକୌଣସି ପରିସ୍ଥିତିର ମୁକାବିଲା ପାଇଁ ତପôର ଅଛନ୍ତି । ନିଜ ଅଞ୍ଚଳର ପକ୍ଷୀମଳ ବିଷୟରେ ନିକଟସ୍ଥ ପ୍ରାଣୀ ଚିକିତ୍ସକ କିମ୍ବା ଜିଲ୍ଲା ପ୍ରାଣୀ ଚିକିତ୍ସା ଅଧିକାରୀ କିମ୍ବା ରାଜ୍ୟସ୍ତରୀୟ ନିୟନ୍ତ୍ରଣ କକ୍ଷକୁ ଫୋନ ନମ୍ବର ୦୬୭୧-୨୪୧୪୩୧୦ କିମ୍ବା ହ୍ୱାଟସ ଆପ ନମ୍ବର ୭୨୦୫୫୯୮୧୨୫ ରେ ସୂଚନା ପ୍ରଦାନ କରିବା ନିମନ୍ତେ ବିଭାଗ ପକ୍ଷରୁ ଜନସାଧାରଣଙ୍କୁ ଅନୁରୋଧ କରାଯାଇଛି ।
