୩ ଅଇପିଏସ ଅଫିସରଙ୍କୁ ଡେପୁଟେସନରେ ନେଲା କେନ୍ଦ୍ର, ଜାଣନ୍ତୁ କାହିଁକି
୩ ଅଇପିଏସ ଅଫିସରଙ୍କୁ ଡେପୁଟେସନରେ ନେଲା କେନ୍ଦ୍ର, ଜାଣନ୍ତୁ କାହିଁକି
admin
3546
ନୂଆଦିଲ୍ଲୀ: କେନ୍ଦ୍ର ଗୃହ ମନ୍ତ୍ରାଳୟ ପଶ୍ଚିମବଙ୍ଗର ୩ ଜଣ ଆଇପିଏସ ଅଫିସରଙ୍କୁ କେନ୍ଦ୍ରୀୟ ଡେପୁଟେସନରେ ଆସିବାକୁ ନିଦେ୍ର୍ଧଶ ଦେଇଛନ୍ତି । ବିଜେପି ସଭାପତି ଜେପି ନଡ୍ଡାଙ୍କ ପଶ୍ଚିମବଙ୍ଗ ଗସ୍ତ ସମୟରେ ନଡ୍ଡାଙ୍କ ସୁରକ୍ଷା ପ୍ରସଙ୍ଗ ପାଇଁ ଏହି ୩ ଅଧିକାରୀ ଦାୟୀ । ଏହି ୩ ଅଧିକାରୀଙ୍କୁ ଗୃହ ମନ୍ତ୍ରାଳୟ କେନ୍ଦ୍ରୀୟ ଡେପୁଟେସନରେ ଡାକିଛନ୍ତି । ଗୃହ ମନ୍ତ୍ରାଳୟର ଏହି ନିଷ୍ପତ୍ତି ସଂକ୍ରାନ୍ତରେ ପଶ୍ଚିମବଙ୍ଗ ସରକାରଙ୍କୁ ସୂଚନା ଦିଆଯାଇଛି । ତେବେ ଜାଣିବାକୁ ମିଳିଛି ଯେ ୩ ଜଣ ଆଇପିଏସ ଅଫିସର ଭୋଳାନାଥ ପାଣ୍ଡେ, (ଏସପି, ଡାଏମଣ୍ଡ ହାରବର), ରାଜୀବ ମିଶ୍ରା (ଏଡିଜି, ଦକ୍ଷିଣ ବଙ୍ଗ) ଏବଂ ପ୍ରବୀଣ ତି୍ରପାଠୀ (ଡିଆଇଜି, ପ୍ରେସିଡେନ୍ସି ରେଞ୍ଜ) ଙ୍କୁ ଡେପୁଟେସନରେ ଡକାଯାଇଛି । କିନ୍ତୁ ପଶ୍ଚିମବଙ୍ଗରେ ଶାସନ ଟିଏମସି ଏହାକୁ ତୀବ୍ର ବିରୋଧ କରିଛି । କେନ୍ଦ୍ର ସରକାର ଅଯଥା ଚାପ ସୃଷ୍ଟି କରୁଛନ୍ତି ବୋଲି ଟିଏମସି କହିଛି । ୩ ଅଧିକାରୀଙ୍କୁ କେନ୍ଦ୍ରୀୟ ଡେପୁଟେସନରେ ଡାକିବା ଅର୍ଥ ଏହି ଅଧିକାରୀମାନେ ରାଜ୍ୟ ସରକାରଙ୍କ ନିୟନ୍ତ୍ରଣରେ ରହିବେ ନାହିଁ । କିନ୍ତୁ ରାଜ୍ୟ ସରକାର ଏହି ଅଧିକାରୀଙ୍କୁ ଛାଡ଼ିବେ କି ନା ତାହା ଏଯାବତ ସ୍ପଷ୍ଟ ହୋଇନାହିଁ ।
