ସମୟ ପୂର୍ବରୁ ଠିକା ସ୍ୱାସ୍ଥ୍ୟକର୍ମୀଙ୍କୁ ଛଟେଇ : ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ
ସମୟ ପୂର୍ବରୁ ଠିକା ସ୍ୱାସ୍ଥ୍ୟକର୍ମୀଙ୍କୁ ଛଟେଇ : ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ
admin
6123
ମନୋଜ କୁମାର ପଣ୍ଡା
ଗଞ୍ଜାମ
ଗଞ୍ଜାମ ଜ଼ିଲ୍ଲାରେ କରୋନା ସଂକ୍ରମଣ ସମୟରେ ପ୍ରଶାସନ ପକ୍ଷରୁ ନିୟୋଜିତ ୫ ଶହରୁ ଉର୍ଦ୍ଧ ଏଏନଏମ, ଜିଏନଏମ, ଷ୍ଟାଫ ନର୍ସ, ପାରା ମେଡିକାଲ କର୍ମଚାରୀ ମାନେ ଆଜି ଜ଼ିଲ୍ଲା ଚିକିତ୍ସା ଅଧିକାରୀଙ୍କ କାର୍ଯ୍ୟଳୟକୁ ଘେରାଉ କରିଥିଲେ । ଏହା ସହିତ ବିକ୍ଷୋଭ ପ୍ରଦର୍ଶନ କରି ଗଞ୍ଜାମ ଜ଼ିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲେ । ପାରାମେଡିକାଲ କର୍ମଚାରୀ ମାନେ କହିଛନ୍ତିଯେ ସମସ୍ତ ପାରାମେଡିକାଲ କର୍ମଚାରୀ ଜ଼ିଲ୍ଲାର ବିଭିନ୍ନ ବ୍ଲକରେ ନିୟୋଜିତ ହୋଇ ସ୍ୱାବ ସଂଗ୍ରହ, ଘର ଘର ବୁଲି ଥର୍ମାଲ ସ୍କ୍ରିନିଂ, ଫ୍ଲସ ଅକ୍ସିମିଟର ଯାଞ୍ଚ ସମେତ କୋଭିଡି ମେଡିକାଲରେ ନିୟୋଜିତ ହୋଇଥିଲେ । ଏମାନେ ୩ ମାସ କାର୍ଯ୍ୟ କରିବେ ବୋଲି ଲିଖିତ ସୂଚନା ଦିଆଯାଇଥିଲା । ଏହା ସତ୍ତ୍ୱେ ଏମାନଙ୍କୁ ଚଳିତ ମାସ ୧୮ ତାରିଖରେ କାର୍ଯ୍ୟରୁ ବାହାର କରିଦିଆଯାଇଛି । ଅନ୍ୟପକ୍ଷରେ ଏମାନଙ୍କୁ ମିଳିବାକୁ ଥିବା ପ୍ରାପ୍ୟ ମଧ୍ୟ ଦିଆଯାଇନଥିବା ଅଭିଯୋଗ କରିଛନ୍ତି । କରୋନା ମହାମାରୀ ସମୟରେ କେହି କାମ କରିବା ପାଇଁ ଆଗକୁ ଆସୁନଥିବା ବେଳେ ସେମାନେ ଆଗେଇ ଆସି ୩ ମାସିଆ ଚୁକ୍ତିଭିତ୍ତିକ ନିଯୁକ୍ତି ହିସାବରେ କାମ କରୁଥିଲେ । ପ୍ରଶାସନ ପକ୍ଷରୁ ୩ ମାସିଆ ଚୁକ୍ତି କରାଯାଇଥିବା ବେଳେ ଏକ ମାସ ମଧ୍ୟରେ କାର୍ଯ୍ୟରୁ ହଟାଯାଇଥିବାରୁ ସେମାନେ ଏହାକୁ ବିରୋଧ କରିଛନ୍ତି । ଏପରିକି ସେମାନେ ଆଇନର ଆଶ୍ରୟ ନେବେ ବୋଲି ଚେତାବନୀ ଦେଇଛନ୍ତି । ଫାର୍ମାସିଷ୍ଟ ପବିର କୁମାର ଚୌଧୁରୀ,ଦିପକ କୁମାର ନାହାକ, ରିତୀକାନ୍ତ ତ୍ରିପାଠୀ, ଉଷାରାଣି ମହାଙ୍କୁଡ,ସୁନିତା ସାହୁ, ପ୍ରିୟଙ୍କା ବେହେରା,ସରସ୍ବତୀ ମହାଙ୍କୁଡ ସମେତ ବହୁ କର୍ମଚାରୀ ବିକ୍ଷୋଭ ପ୍ରଦଶନ କରିବାସହ ଏହି ମର୍ମରେ ସିଡିଏମଙ୍କୁ ଏକ ଦାବି ପ୍ରତ ଦେଇଥିଲେ ।
