ସଂଗରୋଧରେ ଥିବା ଋଷଭ ପନ୍ତ ନିଜ ବଗିଚାରେ ଘାସ କଟିଲେ

May 13, 2021 - 13:21 Updated: May 13, 2021 - 13:21

4026

ସଂଗରୋଧରେ ଥିବା ଋଷଭ ପନ୍ତ ନିଜ ବଗିଚାରେ ଘାସ କଟିଲେ

ନୂଆଦିଲ୍ଲୀ: କରୋନା ଯୋଗୁଁ ଚଳିତ ବର୍ଷ ଆଇପିଏଲର ୧୪ତମ ସଂସ୍କରଣକୁ ଅଧାରୁ ସ୍ଥଗିତ ରଖାଯାଇଛି । ଫଳରେ ଖେଳାଳିମାନଙ୍କୁ କିଛିଦିନ ଘରେ ରହିବା ଲାଗି ବିରତି ମିଳିଯାଇଛି । ଆଗକୁ ଇଂଲଣ୍ଡ ଗସ୍ତରେ ଭାରତ ଯିବ । ସେଠାରେ ନୁ୍ୟଜିଲାଣ୍ଡ ବିପକ୍ଷ ବିଶ୍ୱ ଟେଷ୍ଟ ଚାମ୍ପିଅନସିପ (ଡବ୍ଲୁ୍ୟଟିସି) ଫାଇନାଲ ଏବଂ ଇଂଲଣ୍ଡ ବିପକ୍ଷ ୫ ମ୍ୟାଚ ବିଶିଷ୍ଟ ଟେଷ୍ଟ ଶୃଙ୍ଖଳା ଖେଳିବ । ଏଥିଲାଗି ଭାରତୀୟ ଦଳ ଘୋଷଣା ସରିଛି । ଏହି ଦଳରେ ୱିକେଟରକ୍ଷକ ବ୍ୟାଟ୍ସମ୍ୟାନ ଋଷଭ ପନ୍ତ ରହିଛନ୍ତି । ଆଇପିଏଲ ସ୍ଥଗିତ ରହିବାରୁ ଋଷଭ ଏବେ ଦିଲ୍ଲୀସ୍ଥିତ ନିଜ ବାସଭବନରେ ସଂଗରୋଧରେ ରହିଛନ୍ତି । ହେଲେ ଇଂଲଣ୍ଡ ଗସ୍ତ ପୂର୍ବରୁ ନିଜକୁ ଫିଟ ରଖିବା ଲାଗି ନିଜ ବାସଭବନ ସ୍ଥିତ ବଗିଚାରେ ମେସିନ ସାହାଯ୍ୟରେ ଘାସ କାଟୁଛନ୍ତି । ଋଷବ ଘାସ କାଟୁଥିବାର ଏକ ଭିଡିଓକୁ ନିଜ ସାମାଜିକ ଗଣମାଧ୍ୟମରେ ପ୍ରକାଶ କରିଛନ୍ତି । ଏହାର ଶିରୋନାମାରେ ଲେଖିଛନ୍ତି “ଦିଲ ମାଗେଁ ମୋର”! ବାଧ୍ୟତାମୂଳକ ସଂଗରୋଧ ସମୟରେ କିନ୍ତୁ ଘରେ ଭିତରେ ସକ୍ରିୟ ରହୁଥିବାରୁ ଖୁସି । ଦୟାକରି ସମସ୍ତେ ସୁରକ୍ଷିତ ରୁହନ୍ତୁ ।”