ଲଦାଖରୁ ଭାରତ ଓ ଚୀନର ସେନା ପ୍ରତ୍ୟାହାର ଆରମ୍ଭ
ଲଦାଖରୁ ଭାରତ ଓ ଚୀନର ସେନା ପ୍ରତ୍ୟାହାର ଆରମ୍ଭ
admin
3630
ନୂଆଦିଲ୍ଲୀ: ପୂର୍ବ ଲଦାଖ ପ୍ରକୃତି ନିୟନ୍ତ୍ରଣ ରେଖା ଅଞ୍ଚଳରେ ଦୀର୍ଘ ଦିନ ଧରି ଭାରତ ଏବଂ ଚୀନ ମଧ୍ୟରେ ଯେଉଁ ଉତ୍ତେଜନା ଲାଗି ରହିଥିଲା ଏବେ ସେଥିରେ ନୂଆ ମୋଡ଼ ଆସିଛି । ଉଭୟ ପକ୍ଷ ଗୁରୁତ୍ୱପୂର୍ଣ୍ଣ ପେଙ୍ଗୋଙ୍ଗ ହ୍ରଦ ଅଞ୍ଚଳରୁ ସେନା ପ୍ରତ୍ୟାହାର ଆରମ୍ଭ କରିଛନ୍ତି । ଚୀନ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ସେନା ପ୍ରତ୍ୟାହାର ପ୍ରକି୍ରୟା ଆରମ୍ଭ ହୋଇଥିବା ଘୋଷଣା କରାଯାଇଛି । ତେବେ ଭାରତ ପକ୍ଷରୁ ଏ ବାବଦରେ ଆନୁଷ୍ଠାନିକ ପ୍ରତିକି୍ରୟା ଆସିନାହିଁ । ପୂର୍ବ ଲଦାଖରେ ପେଙ୍ଗୋଙ୍ଗ ଅଞ୍ଚଳରେ ସର୍ବାଧିକ ଉତ୍ତେଜନତା ଦେଖିବାକୁ ମିଳିଥିଲା ଏବଂ ସେଠାରେ ୨୦ ହଜାରରୁ ଅଧିକ ସୈନ୍ୟ ମୁତୟନ ଥିଲା । ଗତ ବର୍ଷ ମେ ମାସରୁ ଏହି ଅଞ୍ଚଳରେ ଚୀନ ସେନାର ଅତିକ୍ରମଣକୁ ନେଇ ତୀବ୍ର ଉତ୍ତେଜନା ଲାଗି ରହିଥିଲା ଉଭୟ ପକ୍ଷ ଏହି ବିବଦାର ସମାଧାନ ପାଇଁ ବାରମ୍ବାର କୂଟନୈତିକ ଓ ସାମରିକ ସ୍ତରରେ ଆଲୋଚନା ଜାରି ରଖିଥିଳେ । ଗତ ମାସ ୨୪ ତାରିଖରେ ମୋଲଡୋ-ଚୁସୁଲ ସୀମାରେ ହୋଇଥିବା କୋର କମାଣ୍ଡର ସ୍ତରୀୟ ବୈଠକରେ କେତେକ ପ୍ରସଙ୍ଗରେ ସହମତି ପ୍ରକାଶ ପାଇଥିଲା । ଏହାର ଫଳ ସ୍ୱରୂପ ସେନା ପ୍ରତ୍ୟାହାର ଆରମ୍ଭ ହୋଇଥିବା କୁହାଯାଇଛି । ତେବେ ପେଙ୍ଗୋଙ୍ଗ ସମେତ ୬ଟି ସ୍ଥାନରେ ଉଭୟ ପଟୁ ବହୁ ସଂଖ୍ୟାରେ ସେନା ମୁତୟନ ହୋଇଥିବାରୁ ସେଠାରେ ସ୍ଥତାବସ୍ଥା ପୂର୍ବଭଳି ରହିଛି ।
