ଲକଡାଉନ ନିୟମ ଉଲ୍ଲଂଘନ କରି ଚର୍ଚ୍ଚ ପରିଚାଳକଙ୍କ ସମେତ ୮ ଗିରଫ
ଲକଡାଉନ ନିୟମ ଉଲ୍ଲଂଘନ କରି ଚର୍ଚ୍ଚ ପରିଚାଳକଙ୍କ ସମେତ ୮ ଗିରଫ
admin
4993
କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ ସାରା ଦେଶରେ ଲକଡାଉନ ଘୋଷଣା କରାଯାଇ ସାମାଜିକ ଦୂରତା ରକ୍ଷା କରିବା ପାଇଁ କଟକଣା ଜାରି କରାଯାଇଛି । ଏଥିପାଇଁ କୌଣସି ମନ୍ଦିର, ମସଜିଦ ଓ ଚର୍ଚ୍ଚରେ ସାମୂହିକ ପ୍ରାର୍ଥନା ସଭା କିମ୍ବା ପୂଜା ପାଇଁ ଭିଡ଼ ଉପରେ ରୋକ ଲଗାଯାଇଛି । ଏହା ସତ୍ତ୍ୱେ ରାଜ୍ୟ ସରକାର ଓ ଜିଲ୍ଲା ପ୍ରଶାସନର ନିର୍ଦ୍ଦେଶନାମାକୁ ଉଲ୍ଲଂଘନ କରି ଗଜପତି ଜିଲ୍ଲା କାଶୀନଗର ବ୍ଲକ ଶିଆଳି ପଞ୍ଚାୟତ ପାଲମାନଗୁଡ଼ାଇ ଏକ ଚର୍ଚ୍ଚରେ ସାମୂହିକ ପ୍ରାର୍ଥନା ସଭାର ଆୟୋଜନ କରାଯାଇଥିଲା । ଏ ସମ୍ପର୍କରେ କାଶୀନର ପୁଲିସ ଖବର ପାଇ ଚଢ଼ଉ କରିଥିଲା । ପୁଲିସ ଆସିବା ଜାଣି ପ୍ରାୟ ୫୦ ଜଣ ଖସି ପଳାଇଥିବା ବେଳେ ଚର୍ଚ୍ଚର ମୁଖ୍ୟ ପରିଚାଳକଙ୍କ ସମେତ ୮ ଜଣ ଧରା ପଡ଼ିଛନ୍ତି । ସେମାନଙ୍କ ବିରୋଧରେ ମକଦ୍ଦମା ରୁଜୁ କରାଯିବା ସହ ସେମାନଙ୍କୁ ଗିରଫ କରାଯାଇଛି ବୋଲି କାଶୀନଗର ଥାନା ଆଇଆଇସି ଆନନ୍ଦ ଚନ୍ଦ୍ର ପାତ୍ର ସୂଚନା ଦେଇଛନ୍ତି ।
