ରାଜଧାନୀରୁ ପଳାଇବ କରୋନା!

Dec 9, 2020 - 10:09 Updated: Dec 9, 2020 - 10:09

4882

ଭୁବନେଶ୍ୱର: ରାଜଧାନୀ ଭୁବନେଶ୍ୱର କରୋନ ମୁକ୍ତ ହେବ । ଦୈନିକ ସଂକ୍ରମିତଙ୍କ ସଂଖ୍ୟା ଖସିବା ଯୋଗୁଁ ଏଭଳି ଆଶ୍ୱସ୍ତିଭରା ଆଶା ଦେଖାଯାଇଛି । ଗତ ସପ୍ତାହେ ହେଲାଣି ସହରରୁ ୩୫ ରୁ କମ ଆକ୍ରାନ୍ତ ଚିହ୍ନଟ ହେଉଛନ୍ତି । ମଙ୍ଗଳବାର ମାତ୍ର ୨୭ ଜଣ ସଂକ୍ରମିତ ବାହାରିଥିଲେ । ଏଥିରୁ ୧୮ ଜଣ ସ୍ଥାନୀୟ ସଂକ୍ରମିତ ଥିବା ବେଳେ ମାତ୍ର ୯ ଜଣ କ୍ୱାରେଣ୍ଟାଇନରେ ଥିଲେ । ସେହିଭଳି ୭ ତାରିଖରେ ୨୮ ସଂକ୍ରମିତ, ୬ ରେ ୩୧ ଜଣ, ୫ ରେ ୩୪ ଜଣ, ୪ରେ ୨୭ ଜଣ, ୩ ତାରିଖରେ ୩୨ ଜଣ, ୨ ରେ ୨୪ ଓ ୧ ତାରିଖରେ ୨୭ ଜଣ ସଂକ୍ରମିତ ବାହାରିଛନ୍ତି । ରାଜଧାନୀରେ ସକି୍ରୟ ରୋଗୀ ସଂଖ୍ୟା ୩୩୧ କୁ ଖସି ଆସିଛି । ମାସକ ତଳେ ଏହି ସଂଖ୍ୟା ୧୦୦୦ ପାଖାପାଖି ଥିଲା । ଏହି ସକି୍ରୟ ରୋଗୀଙ୍କ ଭିତରୁ ଅଧାରୁ କମ ସଂକ୍ରମିତ ହସ୍ପିଟାଲରେ ରହି ଚିକିତ୍ସିତ ହେଉଥିବା ବେଳେ ବାକି ସମସ୍ତେ ହୋମ ଆଇସୋଲେସନରେ ରହିଛନ୍ତି ।