ଏଭେରେଷ୍ଟର ଉଚ୍ଚତା ୮୬ ସେଣ୍ଟିମିଟର ବୃଦ୍ଧି

Dec 9, 2020 - 10:12 Updated: Dec 9, 2020 - 10:12

5422

କାଠମାଣ୍ଡୁ: ବିଶ୍ୱର ଉଚ୍ଚତମ ଗିରିଶୃଙ୍ଗ ଏଭରେଷ୍ଟର ଉଚ୍ଚତା ବୃଦ୍ଧି ପାଇଛି । ନୂଆ ମାପ ଅନୁସାରେ ଏଭରେଷ୍ଟ ଶୃଙ୍ଗର ଉଚ୍ଚତା ହେଉଚି ୮୮୪୮.୮୬ ମିଟର । ପୂର୍ବାପେକ୍ଷା ଏହା ୮୬ ସେମି ବୃଦ୍ଧିପାଇଛି । ସର୍ଭେ ଅଫ ଇଣ୍ଡିଆ ପକ୍ଷରୁ ୧୯୫୪ ରେ ହୋଇଥିବା ମାପ ଅନୁସାରେ ଏଭରେଷ୍ଟ ର ଉଚ୍ଚତା ୮୮୪୮ ମିଟର ରହିଥିଲା । ଏହାକୁ ନେଇ ଦ୍ୱନ୍ଦ୍ୱ ଉପୁଜିବାରେ ୨୦୧୧ରୁ ଚୀନ ଓ ନେପାଳ ମିଳିତ ଭାବେ ଏହାର ଉଚ୍ଚତା ମାପିବା ଉଦ୍ୟମ ଚଳାଇଥିଲେ । ୨୦୧୫ରେ ନେପାଳରେ ହୋଇଥିବା ଭୟଙ୍କର ଭୂକମ୍ପ ପରେ ଏଭରେଷ୍ଟର ଉଚ୍ଚତା ନେଇ ବିଭିନ୍ନ ମହଲରେ ବିବାଦ ଆରମ୍ଭ ହୋଇଥିଲା । ଫଳସ୍ୱରୂପ ୨୦୧୭ ରେ ପୁନଃ ମାପ ପାଇଁ ବିଚାର କରାଯାଇଥିଲା ଏବଂ ଗତ ବର୍ଷ ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ନେପାଳ ଗସ୍ତ ସମୟରେ ମିଳିତ ଭାବେ ମାପ କରାଯିବ ବୋଲି ଚୂଡାନ୍ତ ହୋଇଥିଲା । ସେହି ଅନୁସାରେ ଅତ୍ୟାଧୁନିକ କୌଶଳରେ ଏହାର ମାପ ଆରମ୍ଭ ହୋଇଥିଲା ।