ନିର୍ବାଚନ ଲଢିବେ ନାହିଁ ଦିଲ୍ଲୀପ ରାୟ

Mar 25, 2019 - 12:08 Updated: Mar 25, 2019 - 12:08

4710

ଭୁବନେଶ୍ୱର: କଣ ରହିବ ବରିଷ୍ଠ ନେତା ଦିଲ୍ଲୀପ ରାୟଙ୍କ ଆଭିମୁଖ୍ୟ । କେତେବେଳେ ସେ ବିଜେପି ଫେରିବେ ବୋଲି ଚର୍ଚ୍ଚା ହେଉଥିଲା ଆଉ କେବେ ବିଜେଡିକୁ ଯିବେ ବୋଲି ଚର୍ଚ୍ଚା ହୋଇ ଆସୁଥିଲା । ଏମିତିକି ଦିଲ୍ଲୀପ ରାୟ ବିଜୁ ଜନତା ଦଳରେ ଯୋଗ ଦେବେ ବୋଲି ମଧ୍ୟ ଜୋରଦାର ଚର୍ଚ୍ଚା ହେଉଥିଲା । ୧୭ ବର୍ଷ ପରେ ପ୍ରଥମ ଥର ପାଇଁ ଦିଲ୍ଲୀପ ରାୟ ନବୀନ ନିବାସ ମଧ୍ୟ ଯାଇଥିଲେ । ନବୀନଙ୍କ ସହ କିଛି ସମୟ ବାର୍ତାଳପ କରିଥିଲେ । ଯେଉଁଥି ପାଇଁ ରାଜ୍ୟର ସମସ୍ତ ଗଣମାଧ୍ୟମଙ୍କୁ ନେଇ ରାଜନୀତି ମହଲ ଯାଏଁ ଦିଲ୍ଲୀପ ରାୟଙ୍କ ବିଜୁ ଜନତା ଦଳକୁ ଘର ବାହୁଡା ହେବ ବୋଲି କୁହାଯାଉଥିଲା । ତେବେ ହଠାତ ଏହି ଚର୍ଚ୍ଚାର ଅନ୍ତ ଘଟିଥିଲା । ହଠାତ କିଛି ଦିନ ପାଇଁ ଦିଲ୍ଲୀପ ରାୟଙ୍କ ସୋର୍ ଶଦ୍ଦ ନଥିଲା ସବୁ କିଛି ଥମି ଯାଇଥିଲା । କେତେକଙ୍କ ମତରେ ପୁଣି ଦିଲ୍ଲୀପ ବିଜୟ ଏକାଠି ହୋଇ ବିଜେପି ଫେରିବେ ବୋଲି ମଧ୍ୟ ଆଲୋଚନା ହେଉଥିଲା । ଅନ୍ୟ କେତେକଙ୍କ ମତରେ ଦିଲ୍ଲୀପ ରାୟ ବିଜେଡିି ଯାଇ କେନ୍ଦ୍ରାପଡାରୁ ଲଢ଼ିବେ । କେନ୍ଦ୍ରାପଡା ଥିଲା ବିଜୁ ପଟ୍ଟନାୟକଙ୍କ ଗଡ ବୈଜୟନ୍ତ ପଣ୍ଡାଙ୍କୁ ଅଟକାଇବା ପାଇଁ ଦିଲ୍ଲୀପ ରାୟଙ୍କୁ ବିଜେଡି ଅସ୍ତ୍ର କରିବ ବୋଲି କୁହାଯାଉଥିଲା । ତେବେ ସର୍ବଶେଷ ଖବର ଅନୁଯାୟୀ ଦିଲ୍ଲୀପ ରାୟ ୨୦୧୯ ନିର୍ବାଚନ ଲଢ଼ିବେ ନାହିଁ । ଏନେଇ ଦିଲ୍ଲୀପ ରାୟଙ୍କ ସମର୍ଥକଙ୍କ ମାନେ ସ୍ପଷ୍ଟ କରିସାରିଛନ୍ତି । ସୂଚନା ଯୋଗ୍ୟ ଯେ, ରାଉରକେଲାରୁ ବିଧାୟକ ପଦରୁ ଦିଲ୍ଲୀପ ରାୟ ଇସ୍ତଫା ଦେଇଥିଲେ ସେତେବେଳେ ସେ କହିଥିଲେ ଯେ ୨୦୧୯ରେ ନିର୍ବାଚନ ଲଢ଼ିବେ ନାହିଁ ।