ରବିବାର ସ୍କୁଲ ବୁଲିବେ ଶିକ୍ଷା ବିଭାଗ ଅଧିକାରୀ
ରବିବାର ସ୍କୁଲ ବୁଲିବେ ଶିକ୍ଷା ବିଭାଗ ଅଧିକାରୀ
admin
6420
ଭୁବନେଶ୍ୱର : ଦଶମ ଓ ଦ୍ୱାଦଶ ଶ୍ରେଣୀ ପାଇଁ ବିଦ୍ୟାଳୟ ଖୋଲିଛି । ପିଲାମାନେ ସ୍କୁଲରେ ପାଠ ପଢ଼ୁଛନ୍ତି । ଏମିତିକି ରବିବାର ମଧ୍ୟ ବିଦ୍ୟାଳୟ ଖୋଲା ରହିବ । ପିଲାମାନଙ୍କୁ ଅତିକମରେ ୧୦୦ ଦିନର ପାଠ ପଢ଼ାଇବାକୁ ବି ଲକ୍ଷ୍ୟ ରଖାଯାଇଛି । କିନ୍ତୁ କେତେକ ସ୍କୁଲରେ ରବିବାର ଶିକ୍ଷକମାନେ ପାଠପଢ଼ାରେ ଢିଲା କରୁଥିବା ଦେଖିବାକୁ ମିଳିଛି । ଯେଉଁଥିପାଇଁ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ସ୍କୁଲ ଗସ୍ତ ପାଇଁ ଯୋଜନା କରାଯାଇଛି ।
ବିଭାଗ ଅଧିନସ୍ଥ ବିଭିନ୍ନ ନିଦେ୍ର୍ଧଶାଳୟର ନୋଡ଼ାଲ ଓ ବରିଷ୍ଠ ଅଧିକାରୀମାନେ ରବିବାର ସ୍କୁଲ ପରିଦର୍ଶନ କରିବେ । ଗସ୍ତ ସମୟରେ ସେମାନେ ସ୍କୁଲ ଶିକ୍ଷକମାନଙ୍କ କାର୍ଯ୍ୟକଳାପ ଅନୁଧ୍ୟାନ କରିବେ । ଏହାସହ ଛାତ୍ରଛାତ୍ରୀଙ୍କ ସୁବିଧା ଅସୁବିଧା କଥା ବି ବୁଝିବେ । ହଷ୍ଟେଲକୁ ଗସ୍ତ କରି ସେଠାରେ ନିଆଯାଇଥିବା ପଦକ୍ଷେପ ସମ୍ପର୍କରେ ଛାତ୍ରଛାତ୍ରୀଙ୍କ ସହ ଆଲୋଚନା କରିବେ । ପୂର୍ବରୁ ଗଣଶିକ୍ଷା ବିଭାଗ ଅଧିକାରୀମାନଙ୍କୁ ବିଭିନ୍ନ ଜିଲ୍ଲା ଦାୟିତ୍ୱ ଦିଆଯାଇଥିଲା । ୩୦ଟି ଜିଲ୍ଳା ଲାଗି ୩୦ ଜଣ ଅଧିକାରୀଙ୍କୁ ଦାୟିତ୍ୱ ବଂଟନ କରାଯାଇଥିଲା ।
