ମୋଦି ନିଜ ଭାଷଣରେ ଦିଦିଙ୍କୁ ଏଭଳି କହିଲେ, ଜାଣନ୍ତୁ କଣ
ମୋଦି ନିଜ ଭାଷଣରେ ଦିଦିଙ୍କୁ ଏଭଳି କହିଲେ, ଜାଣନ୍ତୁ କଣ
admin
4948
କୋଲକାତା: ‘ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବେ ଉତ୍ତରପ୍ରଦେଶ ଏବଂ ବିହାର ଲୋକଙ୍କ ବିରୋଧରେ ଯେଭଳି ଶତ୍ରୁତାର ଭାଷା କହୁଛନ୍ତି ତାହା ତାଙ୍କ ରାଜନୀତି ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ଜଣେ ମୁଖ୍ୟମନ୍ତ୍ରୀ ଭାବେ ଶପଥ ନେଇ ସେ ଭୁଲି ଯାଉଛନ୍ତି ଯେ ଅନ୍ୟ ରାଜ୍ୟ ବିରୋଧରେ ମନ୍ତବ୍ୟ ଦେବା, ଅପମାନିତ କରିବା ପାଇଁ ତାଙ୍କୁ ସମ୍ବିଧାନ ଅଧିକାର ପ୍ରଦାନ କରିନାହିଁ’ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜୟନଗରରେ ଅନୁଷ୍ଠିତ ରାଲିରେ କହିଛନ୍ତି । ପ୍ରଥମ ପର୍ଯ୍ୟାୟ ନିର୍ବାଚନରେ ବଙ୍ଗଳାରେ ଶାନ୍ତିପୂର୍ଣ୍ଣ ଭାବେ ରେକର୍ଡ ସଂଖ୍ୟକ ମତଦାନ ଦେଖି ଦିଦିଙ୍କ ରକ୍ତଚାପ ବଢ଼ିଯାଇଛି ବୋଲି ପ୍ରଧାନମନ୍ତ୍ରୀ କହିଛନ୍ତି । ବୁଧବାର ସେ ବିଭିନ୍ନ ଦଳର ନେତାଙ୍କୁ ଚିଠି ଲେଖି ମମତା ସାହାଯ୍ୟ ମାଗିଥିବାରୁ ଏହାକୁ ନେଇ ମଧ୍ୟ ପ୍ରଧାନମନ୍ତ୍ରୀ ତୀବ୍ର କଟାକ୍ଷ କରିଛନ୍ତି । ବିହାରର ନେତାମାନେ ଦିଦିଙ୍କ ନଜରରେ ଟୁରିଷ୍ଟ ବୋଲି ଉଲ୍ଲେଖ କରି ମୋଦି କହିଛନ୍ତି, ଭୋଟରଙ୍କ ଆଗ୍ରହ ଏବଂ ବିଜେପି ପ୍ରତି ଆନୁଗତ୍ୟ ଦେଖି ଦିଦି ଅଧିକ ବିଚଳିତ ହୋଇପଡ଼ିଛନ୍ତି । ନିୟମିତ ଧମକ ଏବଂ ଗାଳି ଦେଉଥିବା ଦିଦି କହୁଛନ୍ତି ‘କୁଲ କୁଲ’ । ତେବେ ତୃଣମୂଳ କୁଲ ନୁହେଁ, ରାଜ୍ୟବାସୀଙ୍କ ପାଇଁ ‘ଶୂଲ (ଶୂଳ) ଅଟେ । ତୃଣମୂଳ ହେଉଛି ରାଜ୍ୟବାସୀଙ୍କୁ ଅସହଣୀୟ ଯନ୍ତ୍ରଣା ଦେଉଥିବା ‘ଶୂଳ’ ବୋଲି ପ୍ରଧାନମନ୍ତ୍ରୀ କହିଛନ୍ତି । ନନ୍ଦିଗ୍ରାମରେ ଭୋଟରଙ୍କ ଉତ୍ସାହ ଏବଂ ମତଦାନ ଦେଖି ମମତା ବାନାର୍ଜୀ ବିଚଳିତ ହୋଇପଡ଼ିଥିବାରୁ ମୋଦି ତାଙ୍କୁ କଟାକ୍ଷ କରି କହିଥିଲେ ଯେ ଦିଦି ଏବେ ଅନ୍ୟ ଆସନ ଖୋଜୁଛନ୍ତି ।
