ମୁଁ ହେଉଛି ହିନ୍ଦୁସ୍ତାନୀ ମୁସଲିମ : ଗୁଲାମ ନବୀ
ମୁଁ ହେଉଛି ହିନ୍ଦୁସ୍ତାନୀ ମୁସଲିମ : ଗୁଲାମ ନବୀ
admin
5746
ନୂଆଦିଲ୍ଲୀ : ରାଜ୍ୟସଭାରେ ସରୁଛି ରାଜ୍ୟସଭା ସାଂସଦ ଗୁଲାମ ନବୀ ଆଜାଦଙ୍କ କାର୍ଯ୍ୟକାଳ । ନିଜର ବିଦାୟ ଅଭିଭାଷଣରେ ଗୁଲାମ ନବୀ କେତେବେଳେ କାନ୍ଦିଥିଲେ ସେନେଇ ସୂଚନା ଦେଇଥିଲେ ।
ଗୁଲାମନବୀ କହିଥିଲେଯେ, ସଂଜୟ ଗାନ୍ଧୀ, ଇନ୍ଦିରା ଗାନ୍ଧୀ ଓ ରାଜୀବ ଗାନ୍ଧୀଙ୍କ ମୃତୁ୍ୟରେ ସେ କାନ୍ଦି ପକାଇଥିଲେ । ହଠାତ ଏଭଳି ଘଟଣା ତାଙ୍କୁ ସ୍ତବ୍ଧ କରିଦେଇଥିଲା । ସେହିପରି ୧୯୯୯ ଓଡ଼ିଶା ମହାବାତ୍ୟାରେ ଭୟାବହତା ଦେଖି ମଧ୍ୟ ସେ କାନ୍ଦି ପକାଇଥିଲେ । ସେ ଓଡ଼ିଶା ଆସି ସ୍ଥିତି ପରଖିଥିଲେ । ସେହି ସମୟରେ ତାଙ୍କ ବାପା ବି କର୍କଟରେ ପୀଡ଼ିତ ହୋଇ ଚିକିତ୍ସିତ ହେଉଥିଲେ । ସେହିପରି ଗୁଜୁରାଟ ଆତଙ୍କବାଦୀ ଆକ୍ରମଣ ବେଳେ ବି ସେ କାନ୍ଦି ପକାଇଥିଲେ । ସାରା ଦେଶରୁ ଆତଙ୍କବାଦୀ ହଟୁ ବୋଲି ସେ ଭଗବାନଙ୍କ ନିକଟରେ ପ୍ରାର୍ଥନା କରୁଛନ୍ତି ବୋଲି ଆଜାଦ କହିଥିଲେ ।
ସେହିପରି ଆଜାଦ କହିଛନ୍ତିଯେ, ସେ କେବେ ପାକିସ୍ତାନ ଯାଇନାହାନ୍ତି । ଜଣେ ହିନ୍ଦୁସ୍ତାନୀ ମୁସଲିମ ଭାବେ ସେ ନିଜକୁ ଗର୍ବିତ ଅନୁଭବ କରନ୍ତି । ସେହିପରି ଦେଶର ପ୍ରତ୍ୟେକ ମୁସଲମାନ ଭାରତରେ ଥିବାରୁ ଗର୍ବ ଅନୁଭବ କରିବା କଥା ବୋଲି କହିଛନ୍ତି ।
ତେବେ ଗୁଲାମ ନବୀଙ୍କ ସମ୍ପର୍କରେ କେନ୍ଦ୍ରମନ୍ତ୍ରୀ ରାମଦାସ ଅଠାୱାଲେ କହିଥିବା କଥା ବେଶ ଚର୍ଚ୍ଚା ସୃଷ୍ଟି କରିଛି । ସେ କହିଛନ୍ତିଯେ, ଯଦି କଂଗ୍ରେସ ଆପଣଙ୍କୁ ରାଜ୍ୟସଭାକୁ ନଆଣେ ଆମେ ଆପଣଙ୍କୁ ଆଣିବା ପାଇଁ ପ୍ରସ୍ତୁତ ଅଛୁ ।
