ମହାରଥୀଙ୍କ ଜ୍ୱାଇଁ ହେଲେ ଅର୍ଧେନ୍ଦୁ

ମହାରଥୀଙ୍କ ଜ୍ୱାଇଁ ହେଲେ ଅର୍ଧେନ୍ଦୁ

ମହାରଥୀଙ୍କ ଜ୍ୱାଇଁ ହେଲେ ଅର୍ଧେନ୍ଦୁ
ଭୁବନେଶ୍ୱର : ସିନେ ଅଭିନେତା ଅର୍ଧେନ୍ଦୁଙ୍କର ବରିଷ୍ଠ ରାଜନୀତିଜ୍ଞ ପ୍ରଦୀପ ମହାରଥୀଙ୍କ ଝିଅ ପଲ୍ଲବୀ ସହ ବିବାହ ହୋଇଛି । ବୁଧବାର ଯଥାରୀତି ଦୁହିଁଙ୍କ ବିବାହ ସମ୍ପନ୍ନ ହୋଇଛି । ନିର୍ବନ୍ଧ ହେବା ପରଠୁ ଏହି ଯୋଡ଼ିଙ୍କ ବିବାହ ଚର୍ଚ୍ଚାରେ ରହିଥିବା ବେଳେ ବୁଧବାର ବାଜା ବାଣ ରୋଶଣି କରି ବରଯାତ୍ରୀଙ୍କ ସହ ବରବେଶରେ ବରମୁଣ୍ଡା ପଡ଼ିଆରେ ପହଞ୍ଚିଥିଲେ ଅର୍ଧେନ୍ଦୁ । ରାଜକୀୟ ସାଜସଜା ମଧ୍ୟରେ ତାଙ୍କୁ ସ୍ୱାଗତ କରାଯାଇଥିବା ବେଳେ ସେଠାରେ ବାହାଘର ସମ୍ପନ୍ନ ହୋଇଛି । ଏହି ବରଯାତ୍ରୀ ଓ ବିବାହ ଉତ୍ସବରେ ବହୁ ନେତା, ମନ୍ତ୍ରୀ, ଅଭିନେତା ସାମିଲ ହୋଇ ନବଦମ୍ପତିଙ୍କୁ ଆଶୀର୍ବାଦ କରିଥିଲେ । ସୂଚନାଯୋଗ୍ୟ ପଲ୍ଲବୀ ପେସାରେ ଡାକ୍ତର ହୋଇଥିବା ବେଳେ ଅର୍ଧେନ୍ଦୁ ବେଶ କିଛି ଚଳଚ୍ଚିତ୍ରରେ ଅଭିନୟ କରି ଲୋକପ୍ରିୟତା ଅର୍ଜନ କରିଛନ୍ତି । ପଲ୍ଲବୀ ଓ ଅର୍ଧେନ୍ଦୁ ଦୁହେଁ ଏକ ଇଭେଣ୍ଟରେ ଦେଖା ହୋଇଥିବା ବେଳେ ତାହା ପରେ ପ୍ରେମର ରୂପ ନେଇଥିଲା । ଏହି ପ୍ରେମ ଆଜି ଦୁଇ ଜଣଙ୍କୁ ଜୀବନସାଥୀ କରିଛି ।