ପାଟକୁରା ଦଖଲ କଲା ବିଜେଡି
ପାଟକୁରା ଦଖଲ କଲା ବିଜେଡି
admin
3635
ଭୁବନେଶ୍ୱର: ଶେଷ ହୋଇଯାଇଛି ପାଟକୁରାର ମହାଲଢେଇ । ପାଟକୁରା ଦଖଲ କଲା ବିଜୁ ଜନତା ଦଳ । ପାଟକୁରାରେ ବିଜେଡି ପ୍ରାର୍ଥୀ ସାବିତ୍ରୀ ଅଗ୍ରୱାଲ ବିଜେପି ପ୍ରାର୍ଥୀ ବିଜୟ ମହାପାତ୍ରଙ୍କୁ ୧୭,୯୨୦
ଭୋଟରେ ପରାସ୍ତ କରିଛନ୍ତି । ବିଜେଡିର ବିଜୟ ସହ ପୁଣିଥରେ ପାଟକୁରାରେ ଦେଖିବାକୁ ମିଳିଛି ନବୀନଙ୍କ ଯାଦୁ । ପାଟକୁରାରେ ପୁଣି ବିଜେଡି ବଜାଇଛି ବିଜୟ ବିଗୁଲ୍ । ୧୮ ରାଉଣ୍ଡରୁ ଗଣତି ଶେଷ ହୋଇଥିବା ବେଳେ ବିଜେଡି ପ୍ରାର୍ଥୀ ସାବିତ୍ରୀ ଅଗ୍ରୱାଲ ୧୭,୯୨୦ ଭୋଟରେ ଆଗରେ ରହିଛନ୍ତି । ଆଉ ଏହାସହ ବିଜେପିର ବରିଷ୍ଠ ନେତା ବିଜୟଙ୍କର ବିଧାନସଭା ଫେରିବା ସ୍ୱପ୍ନ ଏକପ୍ରକାର ଧୂଳିସାତ୍ ହୋଇଛି ।
ବିଜେଡି ପ୍ରାର୍ଥୀ ସାବିତ୍ରୀ ଅଗ୍ରୱାଲ ପାଟକୁରା ବିଜୟ ପାଇଁ ଦଳର ସୁପ୍ରିମୋ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇବା ସହ ଜିତିବାର ଶ୍ରେୟ ପାଟକୁରାବାସୀଙ୍କୁ ଦେଇଛନ୍ତି । ଏଥିସହିତ ସାବିତ୍ରୀ କହିଛନ୍ତି କି, ଦଳର ସୁପ୍ରିମୋ ମୋ ଉପରେ ଯେଉଁ ଆସ୍ଥା ଆଉ ଭରସା ରଖି ଟିକେଟ୍ ଦେଇଥିଲେ ସେହି ଭରସା ଆଉ ବିଶ୍ୱାସକୁ ମୁଁ ଅତୁଟ ରଖିବାକୁ ଚେଷ୍ଟା କରିଛି । ପାଟକୁରାରେ ନିଶ୍ଚୟ ଜିତିବି ବୋଲି ମୋର ପୂରା ଭରସା ଥିଲା । ପାଟକୁରାରେ କୌଣସି ସ୍ୱାଭିମାନ କି ସମ୍ମାନର ଜିତ୍ ହୋଇନି ବରଂ ଏଠି କର୍ମର ବିଜୟ ହୋଇଛି । ଯାହାକୁ ମୁଁ ଦୀର୍ଘ ୧୦ ବର୍ଷ ହେଲା ପାଟକୁରା ପାଇଁ କରିଆସିଥିଲି । ଲୋକେ ଚାହାଁନ୍ତି ତାଙ୍କର ଯିଏ ନେତା ହେବେ ସେ ତାଙ୍କ ସୁଖ ଦୁଃଖରେ ଠିଆ ହେବେ ।
