ମନୀଷ ହତ୍ୟା ମାମଲାରେ କନ୍ଷ୍ଟେବଲ୍ ପ୍ରସନ୍ନ ଗିରଫ
ମନୀଷ ହତ୍ୟା ମାମଲାରେ କନ୍ଷ୍ଟେବଲ୍ ପ୍ରସନ୍ନ ଗିରଫ
admin
ଭୁବନେଶ୍ୱର: ବରିଷ୍ଠ ସାମ୍ବାଦିକ ନବୀନ ଦାସଙ୍କ ପୁଅ ମନୀଷ ଅନୁରାଗ ଦାସଙ୍କ ହତ୍ୟା ମାମଲାରେ ଗିରଫ ହୋଇଛନ୍ତି କନ୍ଷ୍ଟେବଲ୍ ପ୍ରସନ୍ନ ବେହେରା। ତଦନ୍ତ ବେଳେ ପ୍ରସନ୍ନଙ୍କ କାରନାମା ପଦାକୁ ଆସିଛି। ଯେଉଁଥି ପାଇଁ ତାଙ୍କୁ ପ୍ରଥମେ ନିଲମ୍ବନ କରାଯାଇଥିଲା। ଆଉ ଏବେ ତାଙ୍କୁ ଗିରଫ କରାଯାଇଛି। ତାଙ୍କ ସହିତ ସାଉଥ୍ ସିଟି ହୋଟେଲ୍ ବାର୍ର ମାଲିକ ପ୍ରଦ୍ୟୁମ୍ନ ଜେନା ଓ ମ୍ୟାନେଜର ସୌଭିକ ଜେନା ଗିରଫ ହୋଇଛନ୍ତି।
ଶେଷଥର ପାଇଁ ମନୀଷ ଅନୁରାଗଙ୍କୁ ତାଙ୍କ ସାଙ୍ଗମାନଙ୍କ ସହିତ ପାତ୍ରପଡ଼ା ସ୍ଥିତ ଏହି ସାଉଥ୍ ସିଟି ହୋଟେଲ୍ ବାର୍ରେ ଦେଖିବାକୁ ମିଳିଥିଲା। ଆଉ ଏହି ବାର୍କୁ ବେଆଇନ ଭାବେ ଚଲାଇଥିଲେ ନିଲମ୍ବିତ କନଷ୍ଟେବଲ ପ୍ରସନ୍ନ ବେହେରା। ସେ ହାବିଲଦାର-କନଷ୍ଟେବଲ ସଂଘର ସଂପାଦକ ମଧ୍ୟ ଅଛନ୍ତି।
ସାଉଥ୍ ସିଟି ହୋଟେଲ୍ ବାର୍ର ମାଲିକ ହେଉଛନ୍ତି ପ୍ରଦ୍ୟୁମ୍ନ ଜେନା। କିନ୍ତୁ ସେ ବାର୍ ଚଲାଇ ପାରି ନଥିଲେ। ତେଣୁ କନଷ୍ଟେବଲ ପ୍ରସନ୍ନ ବେହେରା ଏହାକୁ ନିଜ ଭାଇ ନାଁରେ ନେଇ ଚଲାଉଥିଲେ।
ସୂଚନା ଅନୁଯାୟୀ, ବାର୍ ଚଲାଇବା ପାଇଁ ଲାଇସେନ୍ସ ନଥିଲା। ତା’ ସତ୍ତ୍ୱେ ପ୍ରସନ୍ନ ଓ ପ୍ରଦ୍ୟୁମ୍ନ ସେଠାରେ ବାର୍ ଚଲାଇଥିଲେ। ପୁଣି କୋଭିଡ୍ ନିୟମ ଭାଙ୍ଗି ଏହି ବାର୍କୁ ଚଲା ଯାଉଥିଲା। ବିଳମ୍ବିତ ରାତି ପର୍ୟ୍ୟନ୍ତ ଏଠାରେ ଯୁବକ,ଯୁବତୀ ନାଚୁଥିଲେ। ସେଥିପାଇଁ ପ୍ରସନ୍ନଙ୍କ ସହିତ ପ୍ରଦ୍ୟୁମ୍ନଙ୍କୁ ମଧ୍ୟ ଗିରଫ କରାଯାଇଛି।
