ଅପରାହ୍ନ ୩ଟା ଯାଏ ଗୃହ ମୁଲତବି
ଅପରାହ୍ନ ୩ଟା ଯାଏ ଗୃହ ମୁଲତବି
admin
2576
ଭୁବନେଶ୍ୱର: ବିଜେପି ଓ କଂଗ୍ରେସ ସଦସ୍ୟଙ୍କ ହଟ୍ଟଗୋଳ ଯୋଗୁଁ ବାଚସ୍ପତି ସୂର୍ଯ୍ୟନାରାୟଣ ପାତ୍ର ମଙ୍ଗଳବାର ଗୃହକୁ ଦିନ ୩ଟା ଯାଏଁ ମୁଲତବି କରିଛନ୍ତି । ନାବାଳିକା ଦୁଷ୍କର୍ମ ଓ ନିଖୋଜ ମାମଲାରେ ବିଜେପି ସଦସ୍ୟମାନେ ଗୃହରେ ହୋହାଲ୍ଲା ଓ ହଟଗୋଳ କରିଥିଲେ । ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବିରେ ବିଜେପି ଓ କଂଗ୍ରେସ ସଦସ୍ୟମାନେ ଗୃହରେ ନାରାବାଜି କରିଛନ୍ତି । ଆଜି ବିଧାନସଭା ଆରମ୍ଭ ହେବା ମାତ୍ରେ ବିଜେପି ସଦସ୍ୟମାନେ ନିଜ ନିଜ ସ୍ଥାନରୁ ଉଠି ଗୃହ ମଧ୍ୟରେ ହୋହାଲ୍ଲା ଓ ହଟ୍ଟଗୋଳ ଆରମ୍ଭ କରିଦେଇଥିଲେ । କଂଗ୍ରେସ ସଦସ୍ୟମାନେ ନିଜ ନିଜ ସ୍ଥାନରେ ଛିଡା ହୋଇ ନାରାବାଜି କରିଥିଲେ । ଗୃହରେ ହୋହାଲ୍ଲା ଓ ହଟ୍ଟଗୋଳ ଯୋଗୁଁ ବାଚସ୍ପତି ଅପରାହ୍ନ ୩ଟା ଯାଏଁ ଗୃହକୁ ମୁଲତବି ରଖିଛନ୍ତି ।
