ବିହାର ବିଧାନସଭାରେ ବଢିଲା ରାଜପୁତଙ୍କ ସଂଖ୍ୟା : ଜାଣନ୍ତୁ କେଉଁ ଜାତିରୁ କେତେ ବିଧାୟକ!
ବିହାର ବିଧାନସଭାରେ ବଢିଲା ରାଜପୁତଙ୍କ ସଂଖ୍ୟା : ଜାଣନ୍ତୁ କେଉଁ ଜାତିରୁ କେତେ ବିଧାୟକ!
admin
2192
ପାଟନା : ବିହାର ବିଧାନସଭା ନିର୍ବାଚନ ସମାପ୍ତ ହୋଇଥିବା ବେଳେ ଏନଡିଏ ମେଣ୍ଟ ୧୨୫ ଆସନ ସହିତ ସରକାର ଗଠନ କରିବାକୁ ଯାଉଛି । ଚଳିତ ବର୍ଷ ୨୪୩ ବିଧାୟକଙ୍କ ମଧ୍ୟରୁ ୪୧ ପ୍ରତିଶତ ବା୧୦୧ ଅନୁସୂଚିତ ଜାତି ବର୍ଗର ରହିଛନ୍ତି । ଏହି ସଂଖ୍ୟା ୨୦୧୫ରେ ୧୧୭ ରହିଥିଲା । ଅନ୍ୟ ଜାତି ମାନଙ୍କ ମଧ୍ୟରେ ବୈଶ୍ୟଙ୍କୁ ଛାଡି ଅନ୍ୟ ଜାତିର ବିଧାୟକଙ୍କ ସଂଖ୍ୟା ମଧ୍ୟ ହ୍ରାସ ପାଇଛି ।
ଯାଦବ, କୁର୍ମୀ ଏବଂ କୁଶୱାହା ଜାତିର ବିଧାୟକଙ୍କ ସଂଖ୍ୟା ହ୍ରାସ ପାଇଥିଲେ ମଧ୍ୟ ଯାଦବ ସମ୍ପ୍ରଦାୟର ୫୨ ବିଧାୟକ ରହିଛନ୍ତି । ୨୦୧୫ ଅପେକ୍ଷା ଏହି ସମ୍ପ୍ରଦାୟର ୯ଟି ଆସନ ହ୍ରାସ ପାଇଛି । ୫୨ ବିଧାୟକଙ୍କ ମଧ୍ୟରେ ଆରଜେଡିରୁ ସର୍ବାଧିକ ୩୫, ବିଜେପିରୁ ୭, ଜେଡିୟୁରୁ ୫, ବାମଦଳରୁ ୩ ଏବଂ ଭିଆଇପି ଓ କଂଗ୍ରେସରୁ ଜଣେ ଲେଖାଏଁ ବିଧାୟକ ରହିଛନ୍ତି । ପୂର୍ବଥର ୨୧ ଜଣ ବୈଶ୍ୟ ବିଧାୟକ ରହିଥିବା ବେଳେ ଚଳିତ ବର୍ଷ ଏହି ସଂଖ୍ୟା ବୃଦ୍ଧି ପାଇ ୨୪ରେ ପହଞ୍ଚିଛି । ଏହି କ୍ରମରେ କୁଶୱାହା ସମ୍ପ୍ରଦାୟର ୨୦ ଆସନ ହ୍ରାସ ପାଇ ୧୬ରେ ପହଞ୍ଚିଛି ।
ଅହିରୋ ସମ୍ପ୍ରଦାୟ ଚଳିତ ଥର ୯ଟି ଆସନ ହରାଇଛି । ୨୦୧୫ରେ ଏହି ସମ୍ପ୍ରଦାୟର ୬୧ ବିଧାୟକ ରହିଥିବା ବେଳେ ଚଳିତ ନିର୍ବାଚନରେ ଏହି ସଂଖ୍ୟା ୫୨ରେ ପହଞ୍ଚିଛି ।
ତେବେ ରାଜପୁତ ବିଧାୟକଙ୍କ ସଂଖ୍ୟାରେ ୮ ଆସନର ଅଭିବୃଦ୍ଧି ଘଟିଛି । ପୂର୍ବ ନିର୍ବାଚନରେ ୨୦ ରହିଥିବା ଏହି ସମ୍ପ୍ରଦାୟର ବିଧାୟକଙ୍କ ସଂଖ୍ୟା ୨୮ରେ ପହଞ୍ଚିଛି । ଦଳିତ ବିଧାୟକଙ୍କ ସଂଖ୍ୟା ୩୯ ରହିଥିବା ବେଳେ ଅନ୍ୟ ପଛୁଆ ଜାତିର ୨୨ ଏବଂ ମୁସଲିମ ବିଧାୟକଙ୍କ ସଂଖ୍ୟା ୨୦ରେ ରହିଛି । ଏହି ଅନୁପାତରେ ଦେଖିଲେ ଦଳିତ ବିଧାୟକ ୧୬ ପ୍ରତିଶତ, ପଛୁଆ ବର୍ଗର ୧୩ ପ୍ରତିଶତ ଏବଂ ୮ ପ୍ରତିଶତ ମୁସଲିମ ବିଧାୟକ ରହିଛନ୍ତି ।
