ସେନା ଯୋଗୁ ଜୀବନ ବଂଚିଲା
ସେନା ଯୋଗୁ ଜୀବନ ବଂଚିଲା
admin
6039
ଜମ୍ମୁ : ଚାରିଆଡେ଼ ବନ୍ୟା ଜଳ । ଆଉ ମଝିରେ ଅଟକି ଯାଇଥିଲା ୨ ଜୀବନ । ନିଜ ଜୀବନକୁ କେମିତି ବଞ୍ଚାଇବେ ସେମାନେ କିଛି ବୁଝି ପାରୁନଥିଲେ । ବଞ୍ଚିବା ଆଶା ମଧ୍ୟ ଛାଡ଼ି ଦେଇଥିଲେ । ତେବେ ଏହି ସମୟରେ ଦେବଦୂତ ସାଜି ସେମାନଙ୍କୁ ଉଦ୍ଧାର କରିଛି ବାୟୁସେନା । ଯାହା ପାଇଁ ସମସ୍ତେ ବାୟୁସେନାକୁ ସାବାସୀ ଦେଇଛନ୍ତି ।
ଜୀବନ ବଞ୍ଚାଇବାକୁ ସଂଘର୍ଷ । ଆଉ ଶେଷରେ ଜିତିଲା ଜୀବନ । ପାଣି ମଝିରେ ଫସି ରହିଥିବା ୨ ଜଣ ନିଜ ଜୀବନକୁ ଫେରିପାଇଛନ୍ତି । ଜମ୍ମୁ ତୱି ନଦୀ ମଝିରେ ଫସି ରହିଥିବା ୨ ଜଣ ବ୍ୟକ୍ତିଙ୍କୁ ଉଦ୍ଧାର କରାଯାଇଛି । ବାୟୁସେନା ପକ୍ଷରୁ ସମ୍ପୃକ୍ତ ୨ ଜଣଙ୍କୁ ସୁରକ୍ଷିତ ଅବସ୍ଥାରେ ଉଦ୍ଧାର କରାଯାଇଛି । ବାୟୁସେନା ହେଲିକେପ୍ଟର ଯୋଗେ ସେମାନଙ୍କୁ ଉଦ୍ଧାର କରାଯାଇଛି ।
ନଦୀରେ ହଠାତ ପାଣି ମାଡ଼ି ଆସିବାରୁ ଉଭୟେ ଫସି ଯାଇଥିଲେ । ନଦୀରେ ନିର୍ମାଣାଧୀନ ପୋଲର କଂକ୍ରିଟ ୱାଲରେ ଫସି ଯାଇଥିଲେ । ତେବେ ୩୦ ମିନିଟର ଛାତି ଥରା ଅପରେସନ ପରେ ଉଭୟଙ୍କୁ ବାୟୁସେନା ପକ୍ଷରୁ ଉଦ୍ଧାର କରାଯାଇଛି । ଏଭଳି କାର୍ଯ୍ୟ ପାଇଁ ବାୟୁସେନାକୁ ସମସ୍ତେ ସାବାସୀ ଦେଇଛନ୍ତି ।
