ବିଶ୍ୱରେ ମୃତୁ୍ୟ ସଂଖ୍ୟା ୬ ଲକ୍ଷ ଟପିଲା

Jul 19, 2020 - 08:00 Updated: Jul 19, 2020 - 08:00

3467

ନୂଆଦିଲ୍ଲୀ: ବିଶ୍ୱରେ କରୋନା ମୃତୁ୍ୟ ସଂଖ୍ୟା ୬ ଲକ୍ଷ ଟପିଯାଇଛି । ବିଶ୍ୱରେ ସର୍ବାଧିକ ୨ ଲକ୍ଷ ୪୦ ହଜାର ୪୮୧ ନୂଆ ସଂକ୍ରମଣ ମାମଲା ଶନିବାର ଚିହ୍ନଟ ହୋଇଥିଲା ଏବଂ ୫୫୫୯ କରୋନା ମୃତୁ୍ୟ ହୋଇଥିଲା । ବିଶ୍ୱରେ ମୋଟ ସଂକ୍ରମିତଙ୍କ ସଂଖ୍ୟା ୧ କୋଟି ୪୨ ଲକ୍ଷ ୪୯ ହଜାର ୭୭୭ ରେ ପହଞ୍ଚିଛି ଏବଂ ୬ ଲକ୍ଷ ୭୩୨ ଜଣଙ୍କ ମୃତୁ୍ୟ ହୋଇଛି । ଆମେରିକାରେ ଲଗାତାର ୨ ଦିନ ଧରି ୭୦ ହଜାରରୁ ଅଧିକ ସଂକ୍ରମଣ ମାମଲା ରହିଛି । ଗୁରୁବାର ଦିନ ଆମେରିକା ସର୍ବାଧିକ ୭୭ ହଜାର ୪୯୯ ସଂକ୍ରମଣ ମାମଲା ଦେଖିଥିବା ବେଳେ ଶୁକ୍ରବାର ପୁଣି ୭୦ ହଜାର ୬୭୪ ଚିହ୍ନଟ ହୋଇଛନ୍ତି । ଆମେରିକାରେ ମୋଟ ସଂକ୍ରମଣ ମାମଲା ୩୭ ଲକ୍ଷ ୭୮ ହଜାର ଟପିଥିବା ବେଳେ ୧ ଲକ୍ଷ ୪୨ ହଜାରରୁ ଅଧିକଙ୍କ ମୃତୁ୍ୟ ହୋଇଛି । ଅନ୍ୟ ପକ୍ଷେ ଇରାନ ରାଷ୍ଟ୍ରପତି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ମନ୍ତବ୍ୟ ରଖିଛନ୍ତି । ଇରାନରେ ଏବେ ୨ କୋଟି ୫୦ ଲକ୍ଷ ଲୋକ କରୋନା ସଂକ୍ରମିତ ଥିବା ନେଇ ଆକଳନ କରାଯାଇଛି ବୋଲି ରାଷ୍ଟ୍ରପତି ହାସନ ରୋହାନି କହିଛନ୍ତି । ଆଗକୁ ଏହି ସଂକ୍ରମଣ ମାମଲା ୩ କୋଟି ୫୦ ଲକ୍ଷ ପହଞ୍ଚିପାରେ ବୋଲି ରୋହାନି କହିଛନ୍ତି । ବ୍ରାଜିଲରେ ମୋଟ ସଂକ୍ରମଣ ମାମଲା ୨୦ ଲକ୍ଷ ୫୦ ହଜାର ଟପିଥିବା ବେଳେ ମୃତୁ୍ୟ ସଂଖ୍ୟା ୭୭ ହଜାର ୯୬୪ ରେ ପହଞ୍ଚିଛି ।