ବାଲୁକା କଳାରେ ଶ୍ରୀରାମଙ୍କୁ ମନେ ପକାଇଲେ ସୁଦର୍ଶନ ପଟ୍ଟନାୟକ
ବାଲୁକା କଳାରେ ଶ୍ରୀରାମଙ୍କୁ ମନେ ପକାଇଲେ ସୁଦର୍ଶନ ପଟ୍ଟନାୟକ
admin
3474
ଭୁବନେଶ୍ୱର : ବାଲୁକା କଳା ଜରିଆରେ ଅଯୋଧ୍ୟାର ଭୂମି ପୂଜନକୁ ଦେଖାଇଛନ୍ତି ଅନ୍ତର୍ଜାତୀୟ ବାଲୁକା ଶୀଳ୍ପି ସୁଦର୍ଶନ ପଟ୍ଟନାୟକ । ଏହି ବାଲୁକା କଳାରେ ଅଯୋଧ୍ୟାରେ ହେବାକୁ ଥିବା ମନ୍ଦିର ସହିତ ପ୍ରଭୁ ଶ୍ରୀରାମଙ୍କ ଏକ ପ୍ରତିଛବି ଅଙ୍କନ କରିଥିଲେ । ମଙ୍ଗଳବାର ସନ୍ଧ୍ୟାରେ ପୁରୀ ବେଳାଭୂମିରେ ସୁଦର୍ଶନ ଏହି ବାଲୁକା କଳା ନିର୍ମାଣ କରିଥିଲେ । ରାମ ମନ୍ଦିର ପରିସରରେ ଏହି ବାଲୁକା କଳା ନିର୍ମାଣ କରିବାକୁ ଚାହୁଁଥିଲେ ମାତ୍ର କରୋନା କାରଣରୁ ପୁରୀ ବେଳାଭୂମିରେ ଏହି ବାଲୁକା କଳା ନିର୍ମାଣ କଲେ ବୋଲି ଶ୍ରୀ ପଟ୍ଟନାୟକ ମତ ଦେଇଛନ୍ତି । ପ୍ରାୟ ୪ ଟନ୍ ବାଲିର ବ୍ୟବହାରରେ ୫ ଫୁଟ୍ ଉଚ୍ଚର ଏହି ବାଲୁକା ପ୍ରତିକୃତି ବନାଇଥିଲେ ସୁଦର୍ଶନ ପଟ୍ଟନାୟକ । ଏହି ବାଲୁକା ପ୍ରତିକୃତିକୁ ସୋସିଆଲ୍ ମିଡିଆରେ ଢେର ପ୍ରଶଂସା କରାଯାଇଛି ।
