ପ୍ରଣବ ମୁଖାର୍ଜୀଙ୍କ ଆତ୍ମଜୀବନିକୁ ନେଇ ଭାଇ-ଭଉଣୀ ଲଢେଇ
ପ୍ରଣବ ମୁଖାର୍ଜୀଙ୍କ ଆତ୍ମଜୀବନିକୁ ନେଇ ଭାଇ-ଭଉଣୀ ଲଢେଇ
admin
4768
ନୂଆଦିଲ୍ଲୀ : ଦିବଙ୍ଗତ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଆତ୍ମଜୀବନିକୁ ନେଇ ମୁହାଁମୁହିଁ ହୋଇଛନ୍ତି ଅଭିଜିତ ମୁଖାର୍ଜୀ ଏବଂ ଶର୍ମିଷ୍ଠା ମୁଖାର୍ଜୀ । ପ୍ରଣବ ମୁକାର୍ଜୀଙ୍କ ପୁଅ ଅଭିଜିତ ଏହି ପୁସ୍ତକ ଦ ପ୍ରେସିଡେନ୍ସିଆଲ ଇଅରସର ପ୍ରକାଶନ ବନ୍ଦ କରିବାକୁ ଚାହୁଁଥିବା ବେଳେ ଅଭିଜିତଙ୍କୁ ବିରୋଧ କରିଛନ୍ତି ଶର୍ମିଷ୍ଠା ।
ଉଭୟ ଟ୍ୱିଟ କରି ନିଜ ନିଜର ମତ ପ୍ରକାଶ କରିଛନ୍ତି । ଏହି ଆତ୍ମଜୀବନିର ଲେଖକ ବର୍ତ୍ତମାନ ଇହଧାମରେ ନାହାନ୍ତି, ତାଙ୍କ ପୁଅ ହିସାବରେ ଏହି ପୁସ୍ତକର ସମୀକ୍ଷା କରିବା ମୋର ଉତ୍ତର ଦାୟିତ୍ୱ । ତେଣୁ ମୋର ବିନା ଅନୁମତିରେ ଏହି ପୁସ୍ତକ ଛପା ନଯାଉ ବୋଲି ପୂର୍ବତନ କଂଗ୍ରେସ ସାଂସଦ ଅଭିଜିତ ଟ୍ୱିଟ କରିଥିଲେ ।
ତେବେ ଅଭିଜିତଙ୍କ ଟ୍ୱିଟର କିଛି ଘଣ୍ଟା ପରେ ଝିଅ ଶର୍ମିଷ୍ଠା ଟ୍ୱିଟ କରିଥିଲେ । ପୁସ୍ତକ ପ୍ରକାଶନରେ କୌଣସି ବାଧା ସୃଷ୍ଟି ନ କରିବାକୁ ଅଭିଜିତଙ୍କୁ ସିଧାସଳଖ କହିଥିଲେ ଶର୍ମିଷ୍ଠା । କଂଗ୍ରେସର ଜାତୀୟ ମୁଖପାତ୍ର ରହିଥିବା ଶର୍ମିଷ୍ଠା କହିଥିଲେ, ମୁଁ ଦ ପ୍ରେସିଡେନ୍ସିଆଲ ଇଅରସ ପୁସ୍ତକର ରଚୟିତାଙ୍କ ଝିଅ ଅନୁରୋଧ କରୁଛି କି ଏହି ପୁସ୍ତକ ପ୍ରକାଶନରେ କୌଣସି ବାଧା ସୃଷ୍ଟି କରାନଯାଉ । ଅସୁସ୍ଥ ହେବା ପୂର୍ବରୁ ପ୍ରଣବ ମୁଖାର୍ଜୀ ଏହି ପୁସ୍ତକର ପାଣ୍ଡୁଲିପି ସମାପ୍ତି କରିଥିଲେ । ତେଣୁ ଏହି ପୁସ୍ତକର ପ୍ରକାଶନକୁ କୌଣସି ପ୍ରକାରେ ରୋକିବାକୁ ଚେଷ୍ଟା କରନାହିଁ ବୋଲି ଶର୍ମିଷ୍ଠା ପ୍ରକାଶ କରିଛନ୍ତି ।
