ପିପିଲି ଉପନିର୍ବାଚନ ପାଇଁ ବିଶ୍ୱକେଶନ ହରିଚନ୍ଦନ ମହାପାତ୍ର ହେଲେ କଂଗ୍ରେସ ପ୍ରାର୍ଥୀ

Apr 24, 2021 - 06:35 Updated: Apr 24, 2021 - 06:35

6417

ଭୁବନେଶ୍ୱର: ପିପିଲି ଉପନିର୍ବାଚନ ପାଇଁ ବିଶ୍ୱକେଶନ ହରିଚନ୍ଦନ ମହାପାତ୍ର ହେଲେ କଂଗ୍ରେସ ପ୍ରାର୍ଥୀ । ପିସିସି ପକ୍ଷରୁ ପଠାଯାଇଥିବା ଶ୍ରୀ ମହାପାତ୍ରଙ୍କ ନାମ ଉପରେ ଏଆଇସିସି ଅଧ୍ୟକ୍ଷା ସୋନିଆ ଗାନ୍ଧି ମୋହର ମାରିଛନ୍ତି । ଏ ନେଇ ଏଆଇସିସି ସାଧାରଣ ସମ୍ପାଦକ ମୁକୁଲ ୱାସନିକ ଏକ ପ୍ରେସ ଇସ୍ତାହାର ଜାରି କରି ଜଣାଇଛନ୍ତି । ପ୍ରକାଶ ଥାଉ କି ପିପିଲି ଉପନିର୍ବାଚନ ପାଇଁ ପୁରୀ ଜିଲ୍ଲା କଂଗ୍ରେସ ସଭାପତି ଥିବା ଅଜିତ ମଙ୍ଗରାଜ ପ୍ରାର୍ଥୀ ହୋଇଥିଲେ । କିନ୍ତୁ କୋଭିଡ ରୋଗ ପୀଡ଼ିତ ହୋଇ ଚିକିତ୍ସାଧୀନ ଅବସ୍ଥାରେ ଗତ ୧୪ ତାରିଖରେ ତାଙ୍କର ଦେହାନ୍ତ ହୋଇଥିଲା । ସେବେଠାରୁ ଉପନିର୍ବାଚନକୁ ସ୍ଥଗିତ ରଖାଯାଇଥିଲା । ପରେ ନିର୍ବାଚନ କମିସନ ମେ ୧୩ ତାରିଖକୁ ସାନି ଭୋଟ ଗ୍ରହଣ ତାରିଖ ଘୋଷଣା କରିଥିଲେ । କିନ୍ତୁ ସେଦିନ ଇଦ-ଉଲ-ଫିତର ପର୍ବ ପଡୁଥିବାରୁ ପୁଣି ଥରେ ଏହି ଭୋଟ ଗ୍ରହଣ ତାରିଖକୁ ମେ ୧୬ ତାରିଖକୁ ଘୁଞ୍ଚାଯାଇଛି । ୧୬ ତାରିଖରେ ମତଦାନ ଓ ମେ ୧୯ ତାରିଖରେ ଭୋଟ ଗଣତି କରିବା ପାଇଁ ନିର୍ବାଚନ କମିସନ ଦିନ ଧାର୍ଯ୍ୟ କରିଛନ୍ତି । ଏଆଇସିସି ପକ୍ଷରୁ ଘୋଷଣା କରାଯାଇଥିବା ଦଳୀୟ ପ୍ରାର୍ଥୀ ଶ୍ରୀ ମହାପାତ୍ର ପୁରୀ ଜିଲ୍ଲା ଡେଲାଙ୍ଗ ବ୍ଲକ ଅନ୍ତର୍ଗତ ରେଙ୍ଗାଳ ଗ୍ରାମ ପଞ୍ଚାୟତର ଝାରପଡ଼ା ଗ୍ରାମ ବାସିନ୍ଦା । ୪୪ ବର୍ଷୀୟ ଏହି ବ୍ୟକ୍ତି କଂଗ୍ରେସ ସେବା ଦଳ ସହ ଦୀର୍ଘଦିନରୁ ଜଡ଼ିତ ଅଛନ୍ତି ।