ନିର୍ବାଚନ ଲଢ଼ିବେ କେନ୍ଦ୍ରମନ୍ତ୍ରୀ ବାବୁଲ ସୁପି୍ରୟୋ
ନିର୍ବାଚନ ଲଢ଼ିବେ କେନ୍ଦ୍ରମନ୍ତ୍ରୀ ବାବୁଲ ସୁପି୍ରୟୋ
admin
6007
ବିଜେପି ଦ୍ୱାରା ରବିବାର ତାମିଲନାଡୁ, କେରଳ, ପଶ୍ଚିମବଙ୍ଗ, ଏବଂ ଆସାମ ବିଧାନସଭା ନିର୍ବାଚନ ପାଇଁ ପ୍ରାର୍ଥୀଙ୍କ ଆଉ ଏକ ତାଲିକା ଜାରି କରାଯାଇଛି । ପଶ୍ଚିମବଙ୍ଗରେ ତୃତୀୟ ପର୍ଯ୍ୟାୟରେ ମତଦାନ ହେବାକୁ ଥିବା ୩୧ ରୁ ୨୭ଟି ଏବଂ ଚତୁର୍ଥ ପର୍ଯ୍ୟାୟରେ ହେବାକୁ ଥିବା ୪୪ ରୁ ୩୬ ଟି ଆସନ ପାଇଁ ଦଳ ଦ୍ୱାରା ପ୍ରାର୍ଥୀ ଘୋଷଣା କରାଯାଇଛି । ବିଜେପିର ରାଷ୍ଟ୍ରୀୟ ମହାସଚିବ ଅରୁଣ ସିଂ ସୂଚନା ଦେଇଛନ୍ତି କି କେନ୍ଦ୍ରୀୟ ମନ୍ତ୍ରୀ ବାବୁଲ ସୁପି୍ରୟୋ ଏଥରକ ବିଧାନସଭା ନିର୍ବାଚନ ଲଢ଼ିବେ । ତାଙ୍କୁ ଟାଲିଗଂଜ ଆସନରୁ ଟିକେଟ ଦିଆଯାଇଛି । ବିଜେପି ମଧ୍ୟ ଦଳର ଚାରି ଜଣ ସାଂସଦଙ୍କୁ ଏଥରକ ନିର୍ବାଚନ ମଇଦାନରେ ଉତାରିଛି । ସାଂସଦ ଲକେଟ ଚାଟାର୍ଜୀ ଚୁଂଚୁରା ଆସନରୁ ପ୍ରତିଦ୍ୱନ୍ଦ୍ୱିତା କରିବେ । ନିକଟରେ ତୃଣମୂଳ କଂଗ୍ରେସ ଛାଡ଼ି ବିଜେପିରେ ସାମିଲ ହୋଇଥିବା ନେତା ରାଜୀବ ବାନାର୍ଜୀଙ୍କ ବି ଦଳ ଟିକେଟ ଦେଇଛି । ଅର୍ଥନୀତି ବିଶେଷଜ୍ଞ ଅଶୋକ ଲାହିରୀ ଅଲୀପୁରଦୌର ଆସନରୁ, ରାଜୀବ ବାନାର୍ଜୀ ଡୋମଜ୍ଜୁର ଆସନରୁ, ସିଙ୍ଗୁର ଆସନରୁ ରବୀନ୍ଦ୍ରନାଥ ଭଟ୍ଟାଚାର୍ଯ୍ୟ, ସାଂସଦ ସ୍ୱପ୍ନଦାସ ଗୁପ୍ତା ତାରକେଶ୍ୱରରୁ ସାଂସଦ ନିଶିଥ ପ୍ରମାଣିକ ଡିଂହାଟା ଆସନରୁ, ଅଞ୍ଜନା ବାସୁ ସୋନାରପୁର ସାଉଥ ଆସନରୁ, ପାୟଲ ସରକାର ବେହାଲା ଇଷ୍ଟ ଆସନରୁ, ଅଭିନେତ୍ରୀ ତନୁଶ୍ରୀ ଚକ୍ରବର୍ତ୍ତୀ ହାୱଡା ଶ୍ୟାମପୁର ଆସନରୁ ଏବଂ ଇନ୍ଦ୍ରନୀଲ ଦାସଙ୍କୁ କାସବାରୁ ଟିକେଟ ଦିଆଯାଇଛି ।
