ଦୁଇଟି ବାଇକ ମଧ୍ୟରେ ମୁହାଁମୁହିଁ ଧକ୍କା, ୩ ମୃତ
ଦୁଇଟି ବାଇକ ମଧ୍ୟରେ ମୁହାଁମୁହିଁ ଧକ୍କା, ୩ ମୃତ
admin
5167
ଶରଣକୂଳ: ବିଳମ୍ବିତ ରାତିରେ ଦୁଇଟି ବାଇକ ମଧ୍ୟରେ ଦୁର୍ଘଟଣା ଘଟି ୩ ଜଣଙ୍କର ମୃତୁ୍ୟ ହୋଇଛି । ଦୁଇ ଜଣଙ୍କୁ ସଂକଟାପନ୍ନ ଅବସ୍ଥାରେ ଉଦ୍ଧାର କରି ନୟାଗଡ଼ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । କ୍ଷତିପୂରଣ ଦାବିରେ ଶବ ରଖି ପରିବାର ଲୋକଙ୍କ ନୟାଗଡ଼ ଭଞ୍ଜନଗର ୨୧ ନଂ ଜାତୀୟ ରାଜପଥ ଅବରୋଧ କରାଯାଇଥିଲା । ଘଟଣାରୁ ପ୍ରକାଶ, ଓଡ଼ଗାଁ ବ୍ଲକ ଶରଣକୂଳ ଥାନା ଜଗନ୍ନାଥପୁର ଗ୍ରାମର ମନୁ ନାୟକ ସଂସାରି ନାୟକ ଏବଂ କୃଷ୍ଣଚନ୍ଦ୍ର ନାୟକ ନିଜ ହିରୋହୋଣ୍ଡା ସ୍ପେଲଣ୍ଡର (ଓଆର୨୫ସି ୦୩୩୧) ରେ ଯାଉଥିବା ବେଳେ ବିପରୀତ ଦିଗରୁ ଆସୁଥିବା ନୟାଗଡ଼ ବ୍ଲକ ଭାଟସାହି ପଞ୍ଚାୟତ ପଥରକଥା ଗ୍ରାମର ଶ୍ୟାମସୁନ୍ଦର ସେଠୀ ଏବଂ ଦିଲ୍ଲୀପ କୁମାର ସାହୁ ଏକ ହିରୋହୋଣ୍ଡା ୟୁନିକର୍ଣ୍ଣ (ଓଡ଼ି୨୫ଜି୭୯୬୧) ଯୋଗେ ଘରକୁ ଫେରୁଥିଲେ । ଶରଣକୂଳ ଏସଡିପିଓଙ୍କ କାର୍ଯ୍ୟାଳୟ ନିକଟରେ ଦୁଇ ବାଇକ ମଧ୍ୟରେ ଜୋରରେ ଧକ୍କା ହୋଇଥିଲା । ଘଟଣା ସ୍ଥଳରେ ଜଗନ୍ନାଥପୁର ଗ୍ରାମର ମନୁ ନାୟକ ଓ କୃଷ୍ଣଚନ୍ଦ୍ର ନାୟକଙ୍କର ମୃତୁ୍ୟ ହୋଇଥିବା ବେଳେ ପଥର କଣା ଗ୍ରାମର ଶ୍ୟାମ ସୁନ୍ଦର ସେଠୀଙ୍କର ମୃତୁ୍ୟ ହୋଇଥିଲା । ବିଳମ୍ବିତ ରାତି ହୋଇଥିବାରୁ ଲୋକମାନେ କାଁ ଭାଁ ରାସ୍ତାରେ ଯିବା ଆସିବା କରୁଥିଲେ । କିଛି ସମୟ ପରେ ଦୁର୍ଘଟଣାରେ ଆହତ ହୋଇଥିବା ବ୍ୟକ୍ତିଙ୍କ ଚିକ୍ରାର ଶୁଣିବା ପରେ ସ୍ଥାନୀୟ ଲୋକ ଆସି ରୁଣ୍ଡ ହୋଇ ଶରଣକୂଳ ଥାନାକୁ ଖବର ଦେଇଥିଲେ ।
