ଗହିରମଥାରେ ୮୨୫ କଇଁଛଙ୍କ ଗୋଡ଼ରେ ବନ୍ଧାଗଲା ଧାତବ ଫଳକ
ଗହିରମଥାରେ ୮୨୫ କଇଁଛଙ୍କ ଗୋଡ଼ରେ ବନ୍ଧାଗଲା ଧାତବ ଫଳକ
admin
6327
ରାଜନଗର: ପରିବେଶ ସନ୍ତୁଳନ ରକ୍ଷା କରିବାରେ ପ୍ରମୁଖ ଭୂମିକା ଗ୍ରହଣ କରୁଥିବା ବିରଳ ଅଲିଭରିଡଲେ କଇଁଛଙ୍କ ଗତିବିଧି ଓ ଜୀବନଶୈଳୀ ଏବେ ବି ରହସ୍ୟାବୃତ୍ତ ହୋଇ ରହିଛି । ଏହି ବିରଳ କଇଁଛ କେଉଁଠୁ ଆସୁଛନ୍ତି, କାହିଁକି ଆସୁଛନ୍ତି ଏମାନଙ୍କ ଯାତ୍ରା ଓ ଏମାନେ ଅଣା ଦେବା ପାଇଁ ଓଡ଼ିଶାର ଗହିରମଥା, ଋଷିକୁଲ୍ୟା ଔ ଦେବୀ ମୁହାଣକୁ କାହିଁକି ବାଛୁଛନ୍ତି, ତାହାର ରହସ୍ୟ ପ୍ରାଣୀ ବିଜ୍ଞାନୀମାନେ ଏ ଯାଏଁ ଭେଦ କରିପାରିନାହାନ୍ତି । କଇଁଛଙ୍କ ଗତିବିଧି ଜାଣିବା ପାଇଁ ଗହିରମଥାରେ ସମୂହ ଅଣ୍ଡାଦାନରେ ସାମିଲ ହେଉଥିବା କଇଁଛଙ୍କ ଗୋଡ଼ରେ ଧାତବ ଫଳକ ଲଗାଯାଉଛି । ୬ ଦିନ ମଧ୍ୟରେ ୮୨୫ କଇଁଛଙ୍କ ଗୋଡରେ ଧାତବ ଫଳକ ଲାଗି ସାରିଛି । ଅପରପକ୍ଷରେ ୨୦୧୧/୧୨ରେ ଧାତବ ଫଳକ ଲଗାଯାଇଥିବା ଏକ କଇଁଛ ଚଳିତ ବର୍ଷ ଗହିରମଥାରେ ଅଣ୍ଡାଦାନ ବେଳେ ଠାବ କରାଯାଇଛି ।
