ଦିଲ୍ଲୀ ବିସ୍ଫୋରଣ ନେଇ ଜୈସ-ଉଲ-ହିନ୍ଦର ଦାବି

Jan 30, 2021 - 10:09 Updated: Jan 30, 2021 - 10:09

3198

ନୂଆଦିଲ୍ଲୀ: ଦିଲ୍ଲୀରେ ଉସ୍ରାଏଲ ଦୂତାବାସ ନିକଟରେ ବିସ୍ଫୋରଣ ମାମଲା । ବିସ୍ଫୋରଣ କରିଥିବା ନେଇ ଜୈସ-ଉଲ-ହିନ୍ଦ ସଂଗଠନର ଦାବି କରାଯାଉଛି । ସୋସିଆଲ ମିଡିଆରେ ବିସ୍ଫୋରଣ କରିଥିବା ଜୈସ-ଉଲ-ହିନ୍ଦ ଦାବି କରୁଛି । ଜୈସ-ଉଲ-ହିନ୍ଦର ଦାବି ପରେ ଏନଆଇଏ ତଦନ୍ତ ଜୋରଦାର କରିଛି । ପ୍ରାଥମିକ ସୂଚନା ଅନୁସାରେ, ଏହି ବିସ୍ପୋରଣ ଘଟାଇବା ପୂର୍ବରୁ ଇସ୍ରାଏଲ ଦୂତାବାସ ନିକଟରେ ଏହି ଆତଙ୍କୀ ସଂଗଠନର ସଦସ୍ୟ ରେକି କରିଥିଲେ । ବିସ୍ଫୋରଣ ସ୍ଥଳରେ ସିସିଟିଭି ଗୁଡ଼ିକ ବନ୍ଦ ଥିଲା । ମାମଲାର ଛାନଭିନ୍ ପାଇଁ ଜାତୀୟ ତଦନ୍ତକାରୀ ସଂସ୍ଥା ଏନଆଇଏ ଘଟଣାସ୍ଥଳରେ ପହଞ୍ଚିଛି । ୬ରୁ ୭ଜଣ ବରିଷ୍ଠ ଅଧିକାରୀ ଆଜି ସକାଳୁ ବିଜୟ ଚୌକ୍ ନିକଟରେ ପହଞ୍ଚି ଛାନଭିନ୍ ଆରମ୍ଭ କରିଛନ୍ତି । ଏହାରି ଭିତରେ ମିଳିଥିବା ଏକ ଲଫାପା ଆତଙ୍କବାଦୀଙ୍କ ଉଦ୍ଦେଶ୍ୟ ଆଡ଼କୁ ଇସାରା କରୁଛି । କାରଣ ଚିଠିରେ ବିସ୍ଫୋରଣକୁ କେବଳ ଟ୍ରେଲର ବୋଲି କୁହାଯାଇଛି ।