ଦିନଦରିଦ୍ରଙ୍କ ପାଇଁ ଦେବଦୂତ ଭାବେ ଉଭା ହେଲେ ବୀରେନ୍ଦ୍ର ସେହବାଗ, ଯୋଗାଇଲେ ୫୦,୦୦୦ ମାଗଣା ମିଲ୍
ଦିନଦରିଦ୍ରଙ୍କ ପାଇଁ ଦେବଦୂତ ଭାବେ ଉଭା ହେଲେ ବୀରେନ୍ଦ୍ର ସେହବାଗ, ଯୋଗାଇଲେ ୫୦,୦୦୦ ମାଗଣା ମିଲ୍
admin
1780
ନୂଆଦିଲ୍ଲୀ: କରୋନା ମହାମାରୀ ସଙ୍କଟ ଭିତରେ ଭାରତୀୟ କ୍ରିକେଟ୍ ଦଳର ପୂର୍ବତନ ବିସ୍ଫୋରକ ପ୍ରାରମ୍ଭିକ ବ୍ୟାଟ୍ସମ୍ୟାନ ବୀରେନ୍ଦ୍ର ସେହବାଗ ଦିନଦରିଦ୍ରଙ୍କ ପାଇଁ ଦେବଦୂତ ଭାବେ ଉଭା ହୋଇଛନ୍ତି । ନୂଆଦିଲ୍ଲୀ ଓ ଏହାର ଆଖପାଖ ଅଞ୍ଚଳର କରୋନା ସଂକ୍ରମିତଙ୍କୁ ସେହବାଗ ନିଜ ଦାତବ୍ୟ ସଂଗଠନ ‘ବୀରେନ୍ଦ୍ର ସେହବାଗ ଫାଉଣ୍ଡେସନ’ ମାଧ୍ୟମରେ ୫୧,୦୦୦ ରନ୍ଧା ଖାଦ୍ୟ ପୁଡ଼ିଆ (ମିଲ) ଯୋଗାଇ ସାରିଲେଣି । ଆଗକୁ ମଧ୍ୟ ଏହି ଧାରା ଜାରି ରଖିବେ ବୋଲି ଟ୍ୱିଟ୍ କରି ଜଣାଇଛନ୍ତି ନଜଫ ଗଡ଼ର ନବାବ ଭାବେ ପରିଚିତ ସେହବାଗ । ଶନିବାର କରିଥିବା ଟ୍ୱିଟରେ ସେ ଲେଖିଛନ୍ତି ଯେ ଯଦି ଆପଣଙ୍କ ପରିବାରର କେହି କରୋନା ସଂକ୍ରମିତ ହୋଇଥା’ନ୍ତି ଏବଂ ଆପଣ ରନ୍ଧା ଖାଦ୍ୟର ଆବଶ୍ୟକତା କରୁଛନ୍ତି, ତାହାଲେ ଆମେ ଆପଣଙ୍କ ଘରେ ଏହାକୁ ପହଞ୍ଚାଇବାକୁ ଚେଷ୍ଟା କରିବୁ । ତା’ସହ ତାଙ୍କ ସହ ଯୋଗାଯୋଗ କରିବାର ଠିକଣା ମଧ୍ୟ ବୀରୁ ପ୍ରଦାନ କରିଛନ୍ତି । ସେହିଭଳି ଅନ୍ୟୂନ ୧୦୦ ଲୋକଙ୍କ ପାଇଁ ଖାଇବା ରାନ୍ଧି ପାରୁଥିବା ରୋଷେୟା ନିଯୁକ୍ତି ପାଇଁ ମଧ୍ୟ ସେ ବିଜ୍ଞାପନ ଦେଇଛନ୍ତି । ନିଜ ଚିରାଚରିତ ଶୈଳୀରେ ସେ ଆହୁରି ଲେଖିଛନ୍ତି ଯେ ପରିସ୍ଥିତି ଯାହା ବି ହେଉ ପଛେ, ଭଲ ଜିନିଷର ଯୋଗାଣ ଅଟକିବା କଥା ନୁହେଁ ।
