ଟିକେଟ ନପାଇବାରୁ ହଙ୍ଗାମା, ଠେଲାପେଲା
ଟିକେଟ ନପାଇବାରୁ ହଙ୍ଗାମା, ଠେଲାପେଲା
admin
3798
ପାଟନା : ବିହାରର ରାଜନୈତିକ ମାହୋଲ ସରଗରମ ହୋଇଯାଇଛି । ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ ପ୍ରକ୍ରିୟା ବି ଅନ୍ତିମ ପର୍ଯ୍ୟାୟରେ ପହଁଚିସାରିଛି । ତେବେ ଟିକେଟ ପାଇନଥିବା କେତେକ ନେତା ଜେଡ଼ିୟୂ କାର୍ଯ୍ୟାଳୟରେ ହଙ୍ଗାମା କରିବା ସହ ଠେଲାପେଲା ପର୍ଯ୍ୟନ୍ତ କଥା ଯାଇଥିବା ଜାଣିବାକୁ ମିଳିଛି ।
ଜେଡ଼ିୟୂ ପକ୍ଷରୁ ୧୧୫ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି । ତେବେ ୧୦ ବିଧାୟକଙ୍କୁ ଦଳ ଟିକେଟ ନଦେଇ ନୂଆ ପ୍ରାର୍ଥୀଙ୍କ ଉପରେ ଭରସା କରିଛି । ଦଳ ପକ୍ଷରୁ ପ୍ରାର୍ଥୀଙ୍କ ନାମ ଘୋଷଣା କରାଯାଉଥିବାବେଳେ କେତେକ ନେତା ଓ କାର୍ଯ୍ୟକର୍ତା ହଙ୍ଗାମା କରିଥିଲେ । ହରିନାରାୟଣ ସିଂହ ଓ ଜିତେନ୍ଦ୍ର କୁମାରଙ୍କୁ ପ୍ରାର୍ଥୀ କରାଯାଇଥିବାରୁ ଦଳର କେତେକ ନେତା କ୍ଷୋଭ ପ୍ରକାଶ କରିଥିଲେ । ସେହିପରି ଟିକେଟ ଦାବିରେ ମମତା ଦେବୀଙ୍କୁ ଧାରଣାରେ ବସିଥିବା ଦେଖିବାକୁ ମିଳିଥିଲା । ଏହି ପରିପ୍ରେକ୍ଷୀରେ ଏକ ଅଭାବନୀୟ ଘଟଣା ବି ଦେଖିବାକୁ ମିଳିଥିଲା । ଜଣେ ମନ୍ତ୍ରୀଙ୍କ ସହ ଜଣେ ବୟସ୍କ କାର୍ଯ୍ୟକର୍ତାଙ୍କର ବାକବିତଣ୍ଡା ଲାଗିଥିଲା । ତେବେ କିଛି ସମୟ ଯୁକ୍ତି ତର୍କ ପରେ ମନ୍ତ୍ରୀ ଜଣଙ୍କ ଉକ୍ତ ବୟସ୍କ କାର୍ଯ୍ୟକର୍ତାଙ୍କୁ ଧକ୍କା ମାରି ବିଦା କରିଦେଇଥିଲେ । ଯାହା ଏବେ ବେଶୀ ଚର୍ଚ୍ଚା ସୃଷ୍ଟି କରିଛି ।
