ଟିଆରପି ସ୍କାମରେ ଅର୍ଣ୍ଣବ ଗୋସ୍ୱାମୀ : ୪୦ ଲକ୍ଷ ଟଙ୍କା ଓ ୧୨ ହଜାର ଡଲାର ଦେଇଥିଲେ
ଟିଆରପି ସ୍କାମରେ ଅର୍ଣ୍ଣବ ଗୋସ୍ୱାମୀ : ୪୦ ଲକ୍ଷ ଟଙ୍କା ଓ ୧୨ ହଜାର ଡଲାର ଦେଇଥିଲେ
admin
3205
ନୂଆଦିଲ୍ଲୀ : ଟିଆରପି ସ୍କାମରେ ଏବେ ଫସି ଯାଇଛନ୍ତି ଅର୍ଣ୍ଣବ ଗୋସ୍ୱାମୀ ଓ ପାର୍ଥ ଦାସଗୁପ୍ତା । ଟିଆରପି ବଢ଼ାଇବା ପାଇଁ ଅର୍ଣ୍ଣବ ୪୦ ଲକ୍ଷ ଟଙ୍କା ଓ ୧୨ ହଜାର ଡଲାର ପ୍ରଦାନ କରିଥିଲେ ବୋଲି ପାର୍ଥ ଦାସଗୁପ୍ତା ସ୍ୱୀକାର କରିଛନ୍ତି । ମୁମ୍ବାଇ ପୁଲିସ ଦ୍ୱାରା ପ୍ରଦତ ଅତିରିକ୍ତ ଚାର୍ଜସିଟରେ ଏହା ଉଲ୍ଳେଖ ରହିଛି । ଅପରପକ୍ଷରେ ହ୍ୱାଟସ ଆପ ଚାଟ ପଦାକୁ ଆସିବା ପରେ ଅର୍ଣ୍ଣବ ହରଡ଼ଘଣାରେ ପଡ଼ିଯାଇଛନ୍ତି ।
ବାର୍କ ଇଣ୍ଡିଆର ପୂର୍ବତନ ସିଇଓ ପାର୍ଥ ଦାସଗୁପ୍ତା କହିଛନ୍ତିଯେ, ରିପ୍ଲବିକ ଟିଭି ସମ୍ପାଦକ ଅର୍ଣ୍ଣବ ଗୋସ୍ୱାମୀ ତିନି ବର୍ଷ ମଧ୍ୟରେ ୪୦ ଲକ୍ଷ ଟଙ୍କା ପ୍ରଦାନ କରିଥିଲେ । ସେହିପରି ଦୁଇଟି ଛୁଟିଦିନରେ ମଧ୍ୟ ତାଙ୍କୁ ୧୨ ହଜାର ଆମେରିକୀୟ ଡଲାର ପ୍ରଦାନ କରିଛନ୍ତି । ରେଟିଂ ପାଇଁ ସେ ଏହା ଦେଇଛନ୍ତି ବୋଲି ଲିଖିତ ଭାବେ ସ୍ୱୀକାର କରିଛନ୍ତି । ଚାର୍ଜସିଟରେ ଏହାର ପ୍ରମାଣ ମଧ୍ୟ ଦିଆଯାଇଛି ।
ସୂଚନାଯୋଗ୍ୟଯେ, ଏନେଇ ମୁମ୍ବାଇ ପୁଲିସ ୩୬୦୦ ପୃଷ୍ଠାର ଅତିରିକ୍ତ ଚାର୍ଜସିଟ ଦାଖଲ କରିଛନ୍ତି । ସେହିପରି ଦାସଗୁପ୍ତା ଓ ଅର୍ଣ୍ଣବଙ୍କ ସମେତ ୫୯ ଜଣଙ୍କ ସହ ହୋଇଥିବା ହ୍ୱାଟସ ଆପ ଚାଟ ବି ଦାଖଲ କରିଛନ୍ତି । ଯେଉଁଥିରେ କାଉନସିଲର ପୂର୍ବତନ କର୍ମଚାରୀ ଓ କେବଲ ଅପରେଟରମାନଙ୍କ ନାମ ରହିଛି । ଅପରପକ୍ଷରେ ରେଟିଂ ଫିକ୍ସିଂ ନେଇ ଏକ ଅଡ଼ିଟ ରିପୋର୍ଟରେ ରିପ୍ଲବିକ, ଟାଇମସ ଅଫ ଇଣ୍ଡିଆ ଓ ଆଜତକ ନାମ ମଧ୍ୟ ଉଲ୍ଳେଖ ରହିଛି ।
ସେହିପରି ଦାସଗୁପ୍ତା ନିଜ ବିବୃତିରେ ଉଲ୍ଳେଖ କରିଛନ୍ତିଯେ, ୨୦୦୪ରୁ ମୁଁ ଅର୍ଣ୍ଣବଙ୍କୁ ଜାଣିଛି । ଟାଇମସ ନାଓରେ ଆମେ ସାଙ୍ଗ ହୋଇ କାର୍ଯ୍ୟ କରୁଥିଲୁ । ୨୦୧୩ରେ ସେ ବାର୍କ ସିଇଓ ଭାବେ ଯୋଗଦାନ କରିଥିଲେ । ୨୦୧୭ରେ ଅର୍ଣ୍ଣବ ରିପ୍ଲବିକ ଟିଭିର ଶୁଭାରମ୍ଭ କରିଥିଲେ । ସେହିପରି ଚ୍ୟାନେଲ ଆରମ୍ଭ ପୂର୍ବରୁ ଅର୍ଣ୍ଣବ ଓ ଦାସଗୁପ୍ତାଙ୍କ ମଧ୍ୟରେ ଆଲୋଚନା ହୋଇଥିବାବେଳେ ଭଲ ରେଟିଂ ପାଇଁ କହିଥିଲେ ବୋଲି ଦାସଗୁପ୍ତା କହିଛନ୍ତି ।
