କାର୍ ଦୁର୍ଘଟଣାରେ ;୪ ମୃତ

Apr 7, 2019 - 05:12 Updated: Apr 7, 2019 - 05:12

4264

ବାଲେଶ୍ଵର: ମହାପ୍ରଭୁଙ୍କ ଦର୍ଶନ ସାରି ଶ୍ରୀକ୍ଷେତ୍ରରୁ ଫେରିବା ବେଳେ ଦୁର୍ଘଟଣାର ଶିକାର ହୋଇ ୪ ଜଣଙ୍କ ମୃତ୍ୟୁ ଘଟିଛି। ବାଲେଶ୍ଵର ଜିଲା ଜାତୀୟ ରାଜପଥର କୁଣ୍ଡପୁର ନିକଟରେ ଶନିବାର ରାତି ପ୍ରାୟ ୨ଟାରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ମୃତକମାନେ ହେଲେ ଜଳେଶ୍ଵର ବ୍ଲକ ପାଇକସ୍ତା ଗାଁର ତୋଫାନୀ ରଣା, ତାଙ୍କ ସ୍ତ୍ରୀ କଳ୍ପନା ରଣା ଏବଂ ବସ୍ତା ବ୍ଲକ ଚୂରମରା ଗାଁର ସୁବି ରଞ୍ଜନ ପରିଡ଼ା, ଖଗଡ଼ାପାଳ ଗାଁର କାର୍ ଡ୍ରାଇଭର ରବି ରଣା। ସୂଚନା ରୁ ଜଣାପଡୁଛି, ୬ ଜଣ ଏକ କାରରେ ମହାପ୍ରଭୁଙ୍କ ଦର୍ଶନ ଲାଗି ପୁରୀ ଆସିଥିଲେ। ଶ୍ରୀକ୍ଷେତ୍ରରୁ ଦର୍ଶନ ସାରି ଘରକୁ ଫେରୁଥିଲେ। ଶନିବାର ରାତି ପ୍ରାୟ ୨ଟାରେ ରାସ୍ତାକଡ଼ରେ ଛିଡ଼ା ହୋଇଥିବା ଏକ ଡମ୍ପରକୁ କାରଟି ପଛରୁ ଧକ୍କା ଦେଇଥିଲା। ଏଥିରେ କାର ଚାଳକଙ୍କ ସମେତ ୪ ଜଣଙ୍କ ମୃତ୍ୟୁ ଘଟିଥିଲା। ମାନସ ପରିଡ଼ା, ପାର୍ବତୀ ପରିଡ଼ା ଏବଂ ଜଣେ ଶିଶୁ ଗୁରୁତର ଆହତ ହୋଇଥିଲେ। ସେମାନଙ୍କୁ ଚିକିତ୍ସା ପାଇଁ ବାଲେଶ୍ଵର ମେଡିକାଲରେ ଭର୍ତ୍ତି କରାଯାଇଛି।