ଏମିତି ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
admin
6494
ଭୁବନେଶ୍ୱର: ରାଜ୍ୟର କୌଣସି ସଂଗ୍ରହାଳୟର ପ୍ରବେଶ ଦେୟ(ଟିକେଟ ଦାମ) ୧୦ଟଙ୍କାରୁ ଅଧିକ ହେବନି । ଛାତ୍ରଛାତ୍ରୀ, କାରିଗର ଓ ବୁଣାକାରମାନେ ମାଗଣାରେ ସଂଗ୍ରହାଳୟ ବୁଲିପାରିବେ । ସେମାନଙ୍କଠୁ ସଂଗ୍ରହାଳୟରେ ପ୍ରବେଶ ନିମନ୍ତେ କୌଣସି ଦେୟ ଆଦାୟ କରାଯିବ ନାହିଁ ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ନିର୍ଦ୍ଦେଶ ଦେଇ କହିଛନ୍ତି ଯେ, ଓଡ଼ିଶାର କଳା, ସଂସ୍କୃତିର ଏକ ସ୍ୱତନ୍ତ୍ର ପରିଚୟ ସମଗ୍ର ବିଶ୍ୱରେ ରହିଛି । ଏହି ମହାନ ଏତିହ୍ୟର ସଂରକ୍ଷଣ ଓ ପ୍ରଚାର ପ୍ରସାର ଦିଗରେ ସଂଗ୍ରହାଳୟଗୁଡ଼ିକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରି ଆସିଛନ୍ତି । ସାଧାରଣ ଲୋକ ବିଶେଷକରି ଯୁବ, ଛାତ୍ର ଓ ପର୍ୟ୍ୟଟକମାନେ ଯେପରି ଆମର କଳା ଓ ସଂସ୍କୃତି ସହିତ ଭଲ ଭାବେ ପରିଚିତ ହେବେ ସେଥିପାଇଁ ସଂଗ୍ରହାଳୟଗୁଡ଼ିକର ପ୍ରବେଶ ଶୁଳ୍କକୁ ୧୦ଟଙ୍କାରୁ ଅଧିକ ନକରିବା ପାଇଁ ନିର୍ଦ୍ଦେଶ ଦିଆଯାଇଛି ।
