୧୫ ବର୍ଷର ପୁରୁଣା ଗାଡ଼ି ରାସ୍ତାରୁ ହଟିବ!

Sep 21, 2019 - 09:53 Updated: Sep 21, 2019 - 09:53

2870

ନୂଆଦିଲ୍ଲୀ : ଦେଶରେ ପୁରୁଣା ଗାଡ଼ିଗୁଡ଼ିକ ପାଇଁ ଖୁବ୍ଶୀଘ୍ର ଏକ ସ୍କ୍ରାପିଂ ନୀତି ଆସିବ । ଏଥିପାଇଁ କ୍ୟାବିନେଟ୍ ଚିଠା ପ୍ରସ୍ତାବ ପ୍ରସ୍ତୁତ ହୋଇସାରିଛି । କେନ୍ଦ୍ର ସଡ଼କ ପରିବହନ ଏବଂ ରାଜପଥ ବିଭାଗ ମନ୍ତ୍ରୀ ନୀତୀନ ଗଡ଼କରୀ ଏହି ଚିଠା ପ୍ରସ୍ତାବକୁ ମଞ୍ଜୁରି ଦେଇ ସାରିଛନ୍ତି । ଅର୍ଥମନ୍ତ୍ରୀ ମଧ୍ୟ ଉକ୍ତ ପ୍ରସ୍ତାବରେ ଦସ୍ତଖତ କରିସାରିଛନ୍ତି । ଏବେ ଉକ୍ତ ଚିଠା ପ୍ରସ୍ତାବକୁ ଏହି ନୀତି ସହ ଜଡ଼ିତ ଅନ୍ୟାନ୍ୟ ମନ୍ତ୍ରାଳୟ ନିକଟକୁ ପଠାଯିବ । ଏହାପରେ କ୍ୟାବିନେଟ୍ ଏହି ପ୍ରସ୍ତାବ ଉପରେ ଖୁବଶୀଘ୍ର ନିଷ୍ପତ୍ତି ନେବ ବୋଲି ମନ୍ତ୍ରୀ ଗଡ଼କରୀ ମୁମ୍ବାଇଠାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ସୂଚନା ଦେଇଛନ୍ତି । ପ୍ରସ୍ତାବକୁ ମଞ୍ଜୁରି ମିଳିଗଲେ ଦୁଇ ଚକିଆ ଏବଂ ତିନି ଚକିଆଠାରୁ ଆରମ୍ଭ କରି ସମସ୍ତ ଯାନ ପାଇଁ ଏହି ନୀତି ଲାଗୁ ହେବ ।