ଇଞ୍ଜେକସନ୍ ଦେବା ପରେ ଗୁପ୍ତାଙ୍ଗରେ ରହିଗଲା ଛୁଞ୍ଚି
ଇଞ୍ଜେକସନ୍ ଦେବା ପରେ ଗୁପ୍ତାଙ୍ଗରେ ରହିଗଲା ଛୁଞ୍ଚି
admin
3505
ଆଠମଲ୍ଲିକ : ପିଲାର ଦେହ ଖରାପ ହୋଇଥିଲା । ମା’ ପିଲାକୁ ନେଇ ଡାକ୍ତରଖାନା ଆସିଲେ । ଡାକ୍ତର ଦେଖାଇବା ପରେ ନର୍ସ ଆସି ପିଲାକୁ ଇଞ୍ଜେକ୍ସନ ଦେଲେ । ତେବେ ଇଞ୍ଜେକ୍ସନ ଦେବା ବେଳେ ଛୁଞ୍ଚି ଭାଙ୍ଗି ଯାଇଥିଲା । ଆଉ ଅଧାଭଙ୍ଗାକୁ ଛୁଞ୍ଚି ପିଲା ଦେହରେ ରହିଗଲା । ନର୍ସ ବି କାହାକୁ କିଛି ନକହି ଚୁପ ଚାପ ରହିଯାଇଥିଲେ । ଏବେ ଏବେ ଉକ୍ତ ଅଧାଭଙ୍ଗା ଛୁଞ୍ଚି ପିଲା ଦେହରୁ ଅଧା ବାହାରି ରହିଛି । ଅନୁଗୁଳ ଜିଲ୍ଲା ଆଠମଲ୍ଲିକରୁ ଏଭଳି ଘଟଣା ସାମନାକୁ ଆସିଛି ।
ଶିଶୁପୁତ୍ରର ଚିକିତ୍ସା କରାଇବାକୁ ମାସକ ତଳେ ଆଣିଥିଲେ ଆଠମଲ୍ଲିକ ବ୍ଲକ ମାଧପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ । ଏଠାରେ ଶିଶୁପୁତ୍ରଟିକୁ ନର୍ସ ପୁନମ ହାସିଦୀ ଦେଇଥିଲେ ଏକ ଇଂଜେକସନ୍ । ଏତିକି ବେଳେ ଶିଶୁର ଦେହରେ ରହିଯାଇଥିଲା ଅଧାଭଂଗା ଛୁଂଚି । ଏନେଇ କାହାକୁ କିଛିନକହି ନୀରବ ରହିଯାଇଥିଲେ ନର୍ସ ପୁନମ୍ ହାସିଦୀ । କିଛି ଦିନ ପରେ ପିଲାଟି ଅସ୍ୱାଭାବିକ ଭାବେ ଯନ୍ତ୍ରଣା ଅନୁଭବ କରିବାରୁ ଡାକ୍ତରଖାନାକୁ ଆଣି ଏନେଇ ପଚାରିଥିଲେ ଅଭିଭାବକ । ହେଲେ ଏହାକୁ ଆଂଟିବାୟୋଟିକ୍ କହି କଥାକୁ ଗୁରୁତ୍ୱ ଦେଇନଥିଲେ ।
ତେବେ ଆଜି ସକାଳେ ଶିଶୁଟିର ଗୁପ୍ତାଙ୍ଗ ତଳେ ସେହି ଅଧଭଂଗା ଛୁଂଚିଟି ବାହାରିଥିବାର ଦେଖିବା ପରେ ଭୟଭୀତ ହୋଇ ପଡିଥିଲେ ଅଭିଭାବକ । ଗୁରୁତର ଶିଶୁଟିକୁ ଏବେ ଅନୁଗୁଳ ମୁଖ୍ୟ ଡାକ୍ତରଖାନାରେ ଭର୍ତି କରାଇଛନ୍ତି । ଏବେ ଶିଶୁଟିର ଜୀବନ ପ୍ରତି ବିପଦ ଥିବା କୁହାଯାଉଛି । ତେବେ ଆଠମଲ୍ଲିକ ବ୍ଲକ ମାଧପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଏପରି ଚିକିତ୍ସା ସେବାକୁ ନେଇ ବିଭିନ୍ନ ମହଲରେ ପ୍ରଶ୍ନ ଉଠୁଛି । ଶିଶୁଟିର ଦେହରେ ଅଧଭଂଗା ଛୁଂଚିକୁ କିପରି ଛାଡି ଦେଲେ ନର୍ସ । ଏବେ ଶିଶୁଟିର ଜୀବନ ପ୍ରତି ବିପଦ ଥିବା ବେଳେ ପୁରା ଘଟଣାରେ କଡା ପଦକ୍ଷେପ ଦାବି ହୋଇଛି ।
