ଫେସ୍ବୁକ୍ ଆକ୍ଷେପ, ପ୍ରତିଆକ୍ଷେପକୁ ନେଇ ବିଜୁ ଯୁବ ବାହିନୀ ସଭାପତିଙ୍କ କାରନାମା : ବିଜେପି ସମର୍ଥକଙ୍କୁ କଟୁରିରେ ହାଣିଲେ
ଫେସ୍ବୁକ୍ ଆକ୍ଷେପ, ପ୍ରତିଆକ୍ଷେପକୁ ନେଇ ବିଜୁ ଯୁବ ବାହିନୀ ସଭାପତିଙ୍କ କାରନାମା : ବିଜେପି ସମର୍ଥକଙ୍କୁ କଟୁରିରେ ହାଣିଲେ
admin
4939
ତାଳଚେର : ରାଜନୈତିକ ଶତ୍ରୁତାକୁ କେନ୍ଦ୍ର କରି ତାଳଚେର ଥାନା ସନ୍ଥପଡ଼ା ଗ୍ରାମରେ ସୋମବାର ସକାଳେ ଜଣେ ଯୁବକଙ୍କ ଉପରେ ମରଣାନ୍ତକ ଆକ୍ରମଣ ହୋଇଛି । ଫେସ୍ବୁକ୍ରେ ଦୀର୍ଘ ଦିନ ହେଲା ଲାଗି ରହିଥିବା ଆକ୍ଷେପ, ପ୍ରତି ଆକ୍ଷେପ ରକ୍ତାକ୍ତ ରୂପ ନେଇଛି । ପଞ୍ଚାୟତର ବିଜୁ ଯୁବ ବାହିନୀ ସଭାପତି ସରୋଜ କୁମାର ସାମଲ (୩୧) ଙ୍କ କଟୁରି ଚୋଟରେ ସେହି ଗ୍ରାମର ବିଜେପି ସମର୍ଥକ ସୁଶାନ୍ତ ସାମଲ (୩୪) ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସାଧୀନ ଥିବା ବେଳେ ଅଭିଯୁକ୍ତ ବିଜୁ ଯୁବ ବାହିନୀ ସଭାପତି ସରୋଜ ଫେରାର ଥିବା ପୁଲିସ ପ୍ରକାଶ କରିଛି ।
ପୁଲିସ ସୂତ୍ରରୁ ପ୍ରକାଶ ଯେ, ସନ୍ଥପଡ଼ା ଗ୍ରାମର ସୁଶାନ୍ତ ଓ ସରୋଜଙ୍କ ମଧ୍ୟରେ ଗତ ପଞ୍ଚାୟତ ନିର୍ବାଚନଠାରୁ ଫେସବୁକ୍ରେ ପରସ୍ପର ପ୍ରତି କଟୁ ମନ୍ତବ୍ୟ ଦେଇ ରାଜନୈତିକ ଶତ୍ରୁତା ସୃଷ୍ଟି ହୋଇଥିଲା । ଗତକାଲି ରାତି ପ୍ରାୟ ୧୧ଟା ବେଳେ ରାସ୍ତା କଡ଼ରେ ଟ୍ରକ୍ ପାର୍କିଂ କରିବାକୁ କେନ୍ଦ୍ର କରି ଉଭୟଙ୍କ ମଧ୍ୟରେ ଯୁକ୍ତି ତର୍କ ହୋଇଥିଲା । ଆଜି ସକାଳେ ଗ୍ରାମର କନକ ଦୁର୍ଗା ହାଇସ୍କୁଲ ନିକଟରେ ଥିବା ଦୋକାନରେ ଦୁହେଁ ଚା ପିଉଥିବା ବେଳେ କୌଣସି କଥାକୁ ନେଇ ବଚସା ହୋଇଥିଲା । ଏଥିରେ ଉତ୍ତକ୍ୟ ହୋଇ ସରୋଜ ଏକ କଟୁରିରେ ସୁଶାନ୍ତଙ୍କୁ ଆକ୍ରମଣ କରିଥିଲେ ।
