୨୭ ତାରିଖରୁ ଖୋଲିବ ଲିଙ୍ଗରାଜ ମନ୍ଦିର, ୬ରୁ ସାଧାରଣ ଦର୍ଶନ
୨୭ ତାରିଖରୁ ଖୋଲିବ ଲିଙ୍ଗରାଜ ମନ୍ଦିର, ୬ରୁ ସାଧାରଣ ଦର୍ଶନ
admin
5611
ଭୁବନେଶ୍ୱର : ଆସନ୍ତା ୨୭ ତାରିଖରୁ ଖୋଲିବ ଲିଙ୍ଗରାଜ ମନ୍ଦିର । ଆଜି ଲିଙ୍ଗରାଜ ମନ୍ଦିରର ପ୍ରଶାସନିକ କମିଟିର ବୈଠକ ପରେ ଏହି ଘୋଷଣା କରାଯାଇଛି । ପ୍ରଶସନିକ ବୈଠକ ପରେ ଦୁଇ ସେବାୟତ କମଳାକାନ୍ତ ବଡୁ ଏବଂ ବିରଞ୍ଚି ପତି ଏହି ସୂଚନା ଦେଇଛନ୍ତି । ଆସନ୍ତା ୨୭ ତାରିଖରୁ ମନ୍ଦିର ଖୋଲାଯିବ । ତେବେ ୨୭ ତାରିଖରୁ ୩୧ ତାରିଖ ପର୍ଯ୍ୟନ୍ତ କେବଳ ସେବାୟତ ପରିବାରଙ୍କୁ ଦର୍ଶନର ସୁଯୋଗ ମିଳିବ । ନୂଆବର୍ଷକୁ ଆଖି ଆଗରେ ରଖି ୧ ଏବଂ ୨ ତାରିଖରେ ମନ୍ଦିର ବନ୍ଦ ରଖିବାକୁ ନିଷ୍ପତ୍ତି ନେଇଛି । ୩ରୁ ୫ ତାରିଖ ଯାଏଁ କେବଳ ଭୁବନେଶ୍ୱର ବାସିନ୍ଦାଙ୍କୁ ଦର୍ଶନର ସୁଯୋଗ ମିଳିବ । ଏହା ସହିତ ଆସନ୍ତା ୬ ତାରିଖରୁ ସାଧାରଣ ଦର୍ଶନ ଆରମ୍ଭ କରାଯିବ ବୋଲି ଦୁଇ ସେବାୟତ ସୂଚନା ଦେଇଛନ୍ତି । ତେବେ ମନ୍ଦିର ପରିସରରେ ୫୦୦ରୁ ଅଧିକ ଲୋକ ରହିପାରିବେ ନାହିଁ । ଏହା ସହିତ ମନ୍ଦିର ମଧ୍ୟରେ କରୋନା ଗାଇଡଲାଇନର କଡାକଡି ପାଳନ କରାଯିବ ।
