ହୁ ହୁ ହୋଇ ବଢୁଛି ଡାଲି ଦର
admin
8604
ନୂଆଦିଲ୍ଲୀ: ଖାଇବା ଥାଳିରେ ଡାଲି ନହେଲେ ନଚଳେ । ବିଶେଷ କରି ହରଡ଼ ଡାଲିର ଚାହିଦା ସବୁଠୁ ବେଶୀ । କିନ୍ତୁ ଡାଲି ଦର ଦିନକୁ ଦିନ ବଢ଼ିବାରେ ଲାଗିଛି । ମହାରାଷ୍ଟ୍ର, କର୍ଣ୍ଣାଟକ ଓ ଛତିଶଗଡ଼ ଆଦି ରାଜ୍ୟରେ ଅଦିନିଆ ବର୍ଷା ଓ ଫସଲରେ ପୋକ ଲାଗିଯିବାରୁ ପ୍ରଭାବିତ ହୋଇଛି ଉତ୍ପାଦନ । ଆବଶ୍ୟକତାକୁ ମେଂଟାଇବା ପାଇଁ ବିଦେଶରୁ ଆମଦାନୀ କରାଯାଉଛି । ଏହାର ପ୍ରଭାବ ପଡ଼ିଛି ଖାଉଟି ବଜାର ଉପରେ ।
ଭଲ ହରଡ଼ ଡାଲି ଦର ଏବେ ପାଖାପାଖି ୧୩୦ ଟଙ୍କାରେ ପହଁଚିଗଲାଣି । ଯଦି ସ୍ଥିତି ସ୍ୱାଭାବିକ ନହୁଏ, ଏହି ଦର ଆହୁରି ବଢ଼ିବା ଆଶଙ୍କା ରହିଛି । ସବୁ ଦିନଆ ଖାଦ୍ୟ ହୋଇଥିବାରୁ ଗ୍ରାହକଙ୍କୁ ବାଧୁଛି ଦରବୃଦ୍ଧି ।
ଡାଲି ଦରବୃଦ୍ଧି ନେଇ ମାର୍ଚ୍ଚ ୨୯ ତାରିଖ ଦିନ ଉଚ୍ଚସ୍ତରୀୟ ବୈଠକ ଡାକିଥିଲା କେନ୍ଦ୍ର ଖାଉଟି ମନ୍ତ୍ରାଳୟ । ଦରବୃଦ୍ଧି ଉପରେ ନଜର ରଖିବାକୁ ରାଜ୍ୟଗୁଡିକୁ ନିର୍ଦ୍ଦେଶ ଦିଆଯିବା ସହ ମିଲର୍, ଟ୍ରେଡର, ଷ୍ଟକିଷ୍ଟ ଓ ହେଲସେଲର କେତେ ଷ୍ଟକ୍ ରଖିଛନ୍ତି ଏ ନେଇ ତଦାରଖ କରିବାକୁ କୁହାଯାଇଛି ।
