ସୋରେନଙ୍କ ସପଥ ପାଠ କାର୍ଯ୍ୟକ୍ରମକୁ ନିରଞ୍ଜନ ଓ ନରସିଂହଙ୍କୁ ନିମନ୍ତ୍ରଣ
ସୋରେନଙ୍କ ସପଥ ପାଠ କାର୍ଯ୍ୟକ୍ରମକୁ ନିରଞ୍ଜନ ଓ ନରସିଂହଙ୍କୁ ନିମନ୍ତ୍ରଣ
admin
2374
ଭୁବନେଶ୍ୱର - ଆସନ୍ତାକାଲି ଝାଡ଼ଖଣ୍ଡର ମୁଖ୍ୟମନ୍ତ୍ରୀଭାବେ ହେମନ୍ତ ସୋରେନ ଶପଥ ନେବେ । ଶ୍ରୀ ସୋରେନ ରାଜ୍ୟପାଳଙ୍କୁ ଭେଟି ସରକାର ଗଠନ ପାଇଁ ଦାବି କରିଥିବାବେଳେ ସରକାରର ରୂପରେଖ ନେଇ ଚର୍ଚ୍ଚା ସରଗରମ ହେବାରେ ଲାଗିଛି । ଏହି ଅବସରରେ ଜେଏଏମର ୬, କଂଗ୍ରେସର ୫ ଓ ଆରଜେଡିରୁ ଜଣେ ମନ୍ତ୍ରୀ ଶପଥ ନେବାର କାର୍ଯ୍ୟକ୍ରମ ରହିଛି । । ଅର୍ଥାତ ହେମନ୍ତ ସୋରେନଙ୍କ ସହ ୧୨ଜଣ ମନ୍ତ୍ରୀ ଶପଥ ନେବେ । ଏହା ସହ କଂଗ୍ରେସକୁ ବାଚସ୍ପତି ପଦ ମିଳିବାର ସମ୍ଭାବନା ରହିଛି । ସୂଚନା ଅନୁସାରେ ରାଂଚିର ମାରୱାଡି ମଇଦାନରେ ଆୟୋଜିତ ହେବ ଶପଥ ଗ୍ରହଣ ସମାରୋହ । ତେବେ ସୋରେନଙ୍କ ପାଇଁ ଏହି ପଦ ବେଶ୍ ଆହ୍ୱାନ ପୂର୍ଣ୍ଣ ହେବ । ଝାଡଖଣ୍ଡରେ ହେବ ସୋରେନ୍ ସରକାର । ପ୍ରତିଶ୍ରୁତି ପୂରଣ କରିବା ବଡ ଆହ୍ୱାନ । ଶ୍ରୀ ସୋରେନ ନିଜେ ଫୋନ କରି ପିସିସି ସଭାପତି ନିରଞ୍ଜନ ପଟ୍ଟନାୟକ ଓ ନରସିଂହ ମିଶ୍ରଙ୍କୁ ନିମନ୍ତ୍ରଣ କରିଛନ୍ତି । ଆସନ୍ତାକାଲି ଶପଥପାଠ କାର୍ଯ୍ୟକ୍ରମରେ ଯୋଗଦେବେ ଶ୍ରୀ ପଟ୍ଟନାୟକ ଓ ଶ୍ରୀ ମିଶ୍ର ।
ଝାଡଖଣ୍ଡରେ ବିଜେପିର ପରାଜୟ ଓ ଜେଏମଏମ ନେତୃତ୍ୱାଧିନ ମେଂଟକୁ ବହୁମତ ମିଳିବା ପରେ ହେମନ୍ତ ସୋରେନ ମୁଖ୍ୟମନ୍ତ୍ରୀ ହେବା ଏକ ପ୍ରକାର ନିଶ୍ଚିତ ହୋଇଯାଇଛି । ତେବେ ମୁଖ୍ୟମନ୍ତ୍ରୀ ହେବା ପରେ ହେମନ୍ତ ସୋରେନଙ୍କ ପାଇଁ ଚ୍ୟାଲେଞ୍ଜ କମ୍ ହେବ ନାହିଁ । ଜନତାଙ୍କ ବିଶ୍ୱାସ ଭାଜନ ହେବା ପାଇଁ ନିର୍ବାଚନ ସମୟରେ ଦେଇଥିବା ପ୍ରତିଶ୍ରୁତିକୁ ପୂରଣ କରିବାକୁ ପଡିବ । ବହୁମତ ମିଳିବା ପରେ ଏଥର ଝାଡଖଣ୍ଡରେ ନୂଆ ଅଧ୍ୟାୟ ଲେଖା ହେବ ବୋଲି କହିଛନ୍ତି ହେମନ୍ତ ।
