ସାମ୍ବାଦିକଙ୍କୁ ଅନୁକମ୍ପାମୂଳକ ସହାୟତା ରାଶି ପ୍ରଦାନ ନିମନ୍ତେ ଆବଶ୍ୟକୀୟ ତଥ୍ୟ ଦେବାକୁ ସଚିବଙ୍କ ନିଦେ୍ର୍ଧଶ
ସାମ୍ବାଦିକଙ୍କୁ ଅନୁକମ୍ପାମୂଳକ ସହାୟତା ରାଶି ପ୍ରଦାନ ନିମନ୍ତେ ଆବଶ୍ୟକୀୟ ତଥ୍ୟ ଦେବାକୁ ସଚିବଙ୍କ ନିଦେ୍ର୍ଧଶ
admin
4818
ଭୁବନେଶ୍ୱର: କୋଭିଡରେ ପ୍ରାଣ ହରାଇଥିବା ଓ ସାଧାରଣ ଭାବେ ମୃତୁ୍ୟ ହୋଇଥିବା ସାମ୍ବାଦିକଙ୍କ ପରିବାରଙ୍କ ସରକାରଙ୍କ ପକ୍ଷରୁ ସହାୟତା ଦିଆଯାଇଛି । ସମୁଦାୟ ୫୫ ଲକ୍ଷ ୫୦ ହଜାର ଟଙ୍କା ପ୍ରଦାନ କରିଛନ୍ତି ସରକାର । ଏ ନେଇ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି । କୋଭିଡ ଯୋଦ୍ଧା ଭାବେ କରୋନାରେ ମୃତୁ୍ୟ ହୋଇଥିବା ‘ପ୍ରମେୟ’ର ସାମ୍ବାଦିକ ତାରିଣୀ ଚରଣ ପାଢ଼ୀ, ‘ମନ୍ଥନ’ର ସ୍ୱର୍ଗତ ଅଶୋକ କୁମାର ସାହୁ, ‘ନୁ୍ୟଜ-୧୮’ର ପ୍ରବୀର କୁମାର ପ୍ରଧାନ, ‘ଓଡ଼ିଶା ଭାସ୍କର’ର ସ୍ୱର୍ଗତ ଧୀରେନ୍ଦ୍ର ରାଉତ, ‘ଇ.ପି.ଏ ୱିକଲି’ର ସୋଲେମାନ ସାହୁ, ଇ ନୁ୍ୟଜ’ର କେ.ସି ରତ୍ନମ, ‘ସମାଜ’ ର ପ୍ରିୟଦର୍ଶୀ ପଟ୍ଟନାୟକ, ‘ମନ୍ଥନ’ା ପ୍ରତାପ କୁମାର ଦାସ ଓ ‘ହିନ୍ଦୁସ୍ଥାନ ସମାଚାର’ ନବୀନ ନନ୍ଦ ଗନ୍ତାୟତଙ୍କ ପରିବାରକୁ ୧୫ ଲକ୍ଷ ଟଙ୍କା ଲେଖାଏଁ ପ୍ରଦାନ କରାଯାଇଛି । ସେହିପରି ସାଧାରଣ ଭାବେ ‘ନିତିଦିନ’ର ସାମ୍ବାଦିକ ସ୍ୱର୍ଗତ ରାଧାନାଥ ମହାପାତ୍ର ଓ ‘ପ୍ରତିଦିନ’ ର ପ୍ରଭାତ କୁମାର ଦାସଙ୍କ ମୃତୁ୍ୟ ପରେ ତାଙ୍କ ପରିବାରକୁ ୪ ଲକ୍ଷ ଟଙ୍କାର ଅନୁକମ୍ପାମୂଳକ ଅର୍ଥରାଶି ଦିଆଯାଇଛି । ଏହାବାଦ ଭୁବନେଶ୍ୱରରେ ମୁକ୍ତବୃତ୍ତ ସାମ୍ବାଦିକ ଭାବେ କାର୍ଯ୍ୟରତ ସାମ୍ବାଦିକ ଅମ୍ବିକା ପ୍ରସାଦ କାନୁନଗୋଙ୍କ ଚିକିତ୍ସା ଖର୍ଚ୍ଚ ବାବଦକୁ ୨ ଲକ୍ଷ ଟଙ୍କା ଓ ଝାରସୁଗୁଡ଼ାରେ କାର୍ଯ୍ୟ କରୁଥିବା ସାମାଜର ସାମ୍ବାଦିକ ଗଜେନ୍ଦ୍ର ମହାନ୍ତିଙ୍କୁ ତାଙ୍କ ପତ୍ନୀଙ୍କୁ ଚିକିତ୍ସା ପାଇଁ ୫୦ ହଜାର ଟଙ୍କା ଆର୍ଥିକ ସହାୟତା ସରକାର ଦେଇଛନ୍ତି । ଅନ୍ୟ ପକ୍ଷରେ, ସାମ୍ବାଦିକଙ୍କୁ ଅନୁକମ୍ପାମୂଳକ ସହାୟତା ରାଶି ପ୍ରଦାନ ନିମନ୍ତେ ଆବଶ୍ୟକୀୟ ତଥ୍ୟ ସଂଗ୍ରହ କରି ଜିଲ୍ଲାପାଳଙ୍କ ସୁପାରିଶ ସହ ତୁରନ୍ତ ପ୍ରଦାନ କରିବାକୁ ସୂଚନା ଓ ଲୋକସମ୍ପର୍କ ବିଭାଗର ପ୍ରମୁଖ ଶାସନ ସଚିବ ବିଷ୍ଣୁପଦ ସେଠୀ ସବୁ ଜିଲ୍ଲାର ଲୋକ ସମ୍ପର୍କ ଅଧିକାରୀଙ୍କୁ ନିଦେ୍ର୍ଧଶ ଦେଇଚନ୍ତି ।
