ସାଧାରଣତନ୍ତ୍ର ଦିବସରେ ଓଡ଼ିଶାର ଲୋକନୃତ୍ୟ ପ୍ରଦର୍ଶିତ ହେବ
ସାଧାରଣତନ୍ତ୍ର ଦିବସରେ ଓଡ଼ିଶାର ଲୋକନୃତ୍ୟ ପ୍ରଦର୍ଶିତ ହେବ
admin
1733
ଭୁବନେଶ୍ୱର: ସାରା ଦେଶ ଦେଖିବ କଳାହାଣ୍ଡିର ବାଜାସାଲ ଲୋକକଳା । ଚଳିତ ବର୍ଷ ସାଧାରଣତନ୍ତ୍ର ଦିବସ ଅବସରରେ ନୂଆଦିଲ୍ଲୀରେ ଓଡ଼ିଶାର ଏହି ଲୋକନୃତ୍ୟ ପ୍ରଦର୍ଶିତ ହେବ । କଳାହାଣ୍ଡି ଜିଲ୍ଲାର ବାଜାସାଲ ନୃତ୍ୟ ଦଳ ଜାତୀୟ ପରେଡରେ ଅଂଶଗ୍ରହଣ କରିବାକୁ ମନୋନୀତ ହୋଇଛି । ‘ପ୍ରତିଭା ଅନୁଷ୍ଠାନ’ର ୮୦ ଜଣ ନୃତ୍ୟଶିଳ୍ପୀ ଏହି ଲୋକନୃତ୍ୟକୁ ପରିବେଷଣ କରିବେ । କେନ୍ଦ୍ର ସଂସ୍କୃତି ମନ୍ତ୍ରଣାଳୟ ଅଧୀନରେ ଥିବା କୋଲକାତା ପୂର୍ବାଞ୍ଚଳ ସାଂସ୍କୃତିକ କେନ୍ଦ୍ର ଦ୍ୱାରା ପୂର୍ବ ଭାରତର ଏକମାତ୍ର ଦଳ ଭାବେ ଭାଗ ନେବ ଏହି ନୃତକଳା ଅନୁଷ୍ଠାନ । ଅନୁଷ୍ଠାନର ସମ୍ପାଦକ ଚିଣ୍ଟୁପ୍ରସାଦ ନାୟକ କହିଛନ୍ତି, ପ୍ରଥମ ଥର ପାଇଁ ଏହି ନୃତ୍ୟକଳା ରାଜପଥରେ ପ୍ରଦର୍ଶିତ ହେବ । ଅନୁଷ୍ଠାନ ପକ୍ଷରୁ ୧୪୦ ଜଣ ଯିବାର ଥିଲା, କିନ୍ତୁ କରୋନା କଟକଣା ଯୋଗୁଁ ୮୦ ଜଣ ଏହି ନୃତ୍ୟକଳା ପ୍ରଦର୍ଶନ କରିବେ । ୧୦୦ ବର୍ଷରୁ ଅଧିକ ପୁରୁଣା ଏହି ନୃତ୍ୟକଳା ସାଧାରଣତଃ ଆଗରୁ ବିବାହ ଉତ୍ସବରେ ପ୍ରଦର୍ଶିତ ହେଉଥିଲା । କିନ୍ତୁ ପରେ ଏହି ନୃତ୍ୟକଳା ଭାବେ ବିଭିନ୍ନ ମଞ୍ଚରେ ପ୍ରଦର୍ଶିତ ହେଲା । ଏବେ ରାଜପଥରେ ଆମକୁ ଓଡ଼ିଶାର ଏହି କଳାକୁ ପ୍ରଦର୍ଶିତ କରିବାର ସୁଯୋଗ ମିଳିଛି । ଆସନ୍ତା ୩ ତାରିଖରେ ଆମେ ଦିଲ୍ଲୀ ଯିବୁ । ଏହା ପରେ ରାଜପଥରେ ଅଭ୍ୟାସ ଆରମ୍ଭ ହୋଇଯିବ । ଏବେ ଭବାନୀପାଟଣା ଲାଲ ବାହାଦୂର ଶାସ୍ତ୍ରୀ ଷ୍ଟାଡିୟମରେ ଅଭ୍ୟାସ ଚାଲିଛି ବୋଲି ସେ ସୂଚନା ଦେଇଛନ୍ତି ।
