ସାଂସଦ ଅପରାଜିତାଙ୍କ ଫଟୋକୁ ନେଇ ଚର୍ଚ୍ଚା ।
ସାଂସଦ ଅପରାଜିତାଙ୍କ ଫଟୋକୁ ନେଇ ଚର୍ଚ୍ଚା ।
admin
1854
ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଭୁବନେଶ୍ୱରରେ ଫେରିଛନ୍ତି । ଭୁବନେଶ୍ୱର ଫେରିବା ପରେ ତାଙ୍କୁ କାର୍ଯ୍ୟକର୍ତାମାନେ ସ୍ୱାଗତ କରିଛନ୍ତି । ତେବେ ସେ ସଙ୍ଗରୋଧରେ ଥିବାବେଳେ ଏକ ସେଲଫିକୁ ନେଇ ସୋସିଆଲ ମିଡ଼ିଆରେ ଚର୍ଚ୍ଚା ଜୋରଧରିଛି । ଅପରାଜିତାଙ୍କ ସହ ସେଲଫି ଉଠାଇ ତାଙ୍କର ସହଯୋଗୀ ସ୍ମିତା ସିଂହ ସୋସିଆଲ ମିଡ଼ିଆରେ ଛାଡ଼ିଛନ୍ତି । ସଙ୍ଗରୋଧରେ ଥିବାବେଳେ ସେଲଫି ଉଠାଇବାର ଯଥାର୍ଥତାକୁ ନେଇ କେତେକ ପ୍ରଶ୍ନ କରିଥିବାବେଳେ ଅନ୍ୟ କେତେକ କିଛି ଅସୁବିଧା ନାହିଁ ବୋଲି ମତବ୍ୟକ୍ତ କରୁଥିବା ଦେଖିବାକୁ ମିଳିଛି ।
ମେ’ ୨୨ରେ ଅପରାଜିତା ଭୁବନେଶ୍ୱର ଫେରିଥିଲେ । ଭୁବନେଶ୍ୱର ଫେରିବା ପରେ ତାଙ୍କର ସହଯୋଗୀ ଓ ସମର୍ଥକମାନେ ତାଙ୍କୁ ଶାରୀରିକ ଦୂରତା ରଖି ସ୍ୱାଗତ କରିଥିଲେ । ସେମାନେ ସମସ୍ତେ ମାସ୍କ ପିନ୍ଧିଥିବା ମଧ୍ୟ ଦେଖିବାକୁ ମିଳିଥିଲା । ତେବେ ଗତକାଲି ରାତି ୮ଟା ୧୯ରେ ଅପରାଜିତାଙ୍କ ସହଯୋଗୀ ସ୍ମିତା ସିଂହ ଏକ ସେଲଫି ଛାଡ଼ିଛନ୍ତି । ଯେଉଁଥିରେ ସେ ଅପରାଜିତାଙ୍କ ସହ ସେଲଫି ଉଠାଇଥିବାବେଳେ ଅଲୱେଜ ଟୁଗେଦର ଆଫଟର ଏ ଲଙ୍ଗ ଟାଇମ ବୋଲି ଉଲ୍ଳେଖ କରିଛନ୍ତି । ସେଲଫିରେ ଅପରାଜିତା କିମ୍ବା ସ୍ମିତା ସିଂହ କେହିବି ମାସ୍କ ମଧ୍ୟ ପିନ୍ଧିନାହାନ୍ତି । ଅପରାଜିତା ଏବେ ମେ’ ଫେୟାରରେ କ୍ୱାରେଂଟାଇନରେ ରହୁଥିବା କେତେକ ବ୍ୟକ୍ତି ସୋସିଆଲ ମିଡ଼ିଆରେ ଉଲ୍ଲେଖ କରିଛନ୍ତି । ତେବେ ସ୍ମିତା ସିଂହ ଅପଲୋଡ଼ କରିଥିବା ଫଟୋ ଏବେକାର ନା ପୂର୍ବର ଫଟୋ ତାହା କିନ୍ତୁ ସ୍ପଷ୍ଟ ହୋଇନାହିଁ ।
