ସଂସ୍କୃତ ଭାଷାରେ ଶପଥ ପାଠ କଲେ ପ୍ରତାପ ଷଡଙ୍ଗୀ
ସଂସ୍କୃତ ଭାଷାରେ ଶପଥ ପାଠ କଲେ ପ୍ରତାପ ଷଡଙ୍ଗୀ
admin
2776
ଭୁବନେଶ୍ୱର : ନିଜର ନିଆରା ନିରାଡ଼ମ୍ବର ଜୀବନଶୈଳୀ ପାଇଁ ସାରା ଦେଶରେ ବେଶ ପରିଚିତି ହାସଲ କରିଥିବା କେନ୍ଦ୍ରମନ୍ତ୍ରୀ ପ୍ରତାପ ଚନ୍ଦ୍ର ଷଡ଼ଙ୍ଗୀ ସଂସ୍କୃତ ଭାଷାରେ ଶପଥ ପାଠ କରିଛନ୍ତି । ସୋମବାର ଠାରୁ ଆରମ୍ଭ ହୋଇଛି ସପ୍ତଦଶ ଲୋକସଭାର ପ୍ରଥମ ଅଧିବେଶନ । ପ୍ରଥମ ଦିନ ନବ ନିର୍ବାଚିତ ସାଂସଦମାନେ ଶପଥ ଗ୍ରହଣ କରିଛନ୍ତି । ପ୍ରଥମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଶପଥ ପାଠ କରାଇଥିଲେ ଅସ୍ଥାୟୀ ବାଚସ୍ପତି ବୀରେନ୍ଦ୍ର କୁମାର । ପୂର୍ବରୁ ରାଷ୍ଟ୍ରପତି ରାମନାଥ କୋବିନ୍ଦ ତାଙ୍କୁ ଅସ୍ଥାୟୀ ବାଚସ୍ପତି ଭାବେ ଶପଥ ପାଠ କରାଇଥିଲେ । ପ୍ରଧାନମନ୍ତ୍ରୀଙ୍କ ପରେ ଶପଥ ନେଇଥିଲେ କେରଳର ସାଂସଦ କୋଡ଼ିକୁନିଲ ସୁରେଶ । ତାଙ୍କୁ ହିଁ କଂଗ୍ରେସ ଲୋକସଭାର ସଂସଦୀୟ ଦଳ ନେତା କରିବ ବୋଲି ଚର୍ଚ୍ଚା ହେଉଛି । ସର୍ବଦଳୀୟ ବୈଠକରେ ମଧ୍ୟ ସେ ଦଳ ପକ୍ଷରୁ ପ୍ରତିନିଧିତ୍ୱ କରିଥିଲେ ।
