ଶୀତ ଦିନେ ତ୍ୱଚାକୁ ଯତ୍ନ ରଖିବାକୁ ହେଲେ ଏହା କରନ୍ତୁ
ଶୀତ ଦିନେ ତ୍ୱଚାକୁ ଯତ୍ନ ରଖିବାକୁ ହେଲେ ଏହା କରନ୍ତୁ
admin
5560
ଶୀତଦିନେ ମଏଶ୍ଚରାଇଜର ନିୟମିତ ଲଗାଇବା ସତ୍ତ୍ୱେ ତ୍ୱଚା ଶୁଷ୍କ ହେବା ସମସ୍ୟା ଦେଖାଯାଏ । ଏଇ ପରିସ୍ଥିତିରେ ଘରୋଇ ଉପଚାର କରିବା ତ୍ୱଚା ପାଇଁ ଉପକାରୀ । ଖାଦ୍ୟପାନୀୟ ବାବଦରେ ମଧ୍ୟ କେତୋଟି ସତର୍କତା ପାଳନ କରିବା ଭଲ ।
ଶୁଷ୍କ ତ୍ୱଚା ପାଇଁ ଏବେ ଘରୋଇ ଫେସପ୍ୟାକ ଲଗାଇଲେ ଲାଭ ମିଳେ । ୧ ଚାମଚ ଚାଉଳ ଅଟା, ୧ ଚାମଚ ବେସନ, ୨ଟା ଚାମଚ ଦହି, ୪-୫ ବୁନ୍ଦା ନଡିଆ ତେଲ ମିଶାଇ ତ୍ୱଚାରେ ୧୫ ମିନିଟ ପାଇଁ ଲଗାଇବେ । ପରେ ନଖ ଉଷୁମ ପାଣିରେ ଧୋଇ ଏ ମଏଶ୍ଚରାଇଜର ଲଗାଇଲେ ତ୍ୱଚାକୁ ପୋଷଣ ମିଳେ ।
ଅଲିଭ ତେଲ ୨ ଚାମଚରେ ମୁଲତାନି ମାଟି ଓ ଗୋଲାପଜଳ ଅଧ ଚାମଚ ମିଶାଇ ନେବେ । ମୁହଁ ହାତ ଓ ପାଦରେ ଲଗାଇ ଶୁଖିବା ପରେ ଏଇ ପ୍ୟାକ ଧୋଇନେବେ । ଶୀତ ଦିନରେ ଏହି ପ୍ୟାକ ତ୍ୱଚା ଶୁଷ୍କତାରୁ ରକ୍ଷା ମିଳେ ।
ମହୁ ତ୍ୱଚା ପାଇଁ ପ୍ରାକୃତିକ ମଏଶ୍ଚରାଇଜର ଭଳି କାମ କରେ । ବେସନ ଚିମୁଟାଏ ହଳଦୀ, ମହୁ, ଚନ୍ଦନ ପାଉଡରକୁ ଭଲରେ ମିଶାଇ ମୁହଁରେ ଲଗାଇବେ । ସପ୍ତାହକୁ ୨ ଥର ଏହି ପ୍ୟାକ ଲଗାଇଲେ ତ୍ୱଚାରେ ଚମକ ଆସିବା ସହ ବ୍ରଣ ଦାଗ ମଧ୍ୟ ଦୂର ହୋଇଥାଏ ।
